New Delhi : વડા પ્રધાન નરેન્દ્ર મોદીએ સોમવારે (27 જાન્યુઆરી, 2025) યુએસ પ્રમુખ ડોનાલ્ડ ટ્રમ્પ સાથે ફોન પર વાત કરી. ટ્રમ્પ રાષ્ટ્રપતિ બન્યા બાદ બંને નેતાઓએ પ્રથમ વખત ફોન પર વાત કરી હતી. આ ફોન કોલમાં બંને નેતાઓ વચ્ચે ભારત-અમેરિકા સંબંધો પર ચર્ચા થઈ હતી. ક્વાડની આગામી મીટિંગની સાથે જ બંને વચ્ચે ઘણા વૈશ્વિક મુદ્દાઓ પર પણ ચર્ચા થઈ હતી.
અમેરિકી ચૂંટણીમાં ટ્રમ્પની જંગી જીત બાદ પીએમ મોદીએ તેમની સાથે ફોન પર વાત કરી હતી. ટ્રમ્પની જીત પર પીએમ મોદીએ X પર લખ્યું હતું કે મારા મિત્ર રાષ્ટ્રપતિ ડોનાલ્ડ ટ્રમ્પ સાથે મારી ખૂબ સારી વાતચીત થઈ. તેમની શાનદાર જીત બદલ તેમને અભિનંદન. ટેકનોલોજી, સંરક્ષણ, ઉર્જા, અવકાશ અને અન્ય ઘણા ક્ષેત્રોમાં સંબંધોને વધુ મજબૂત કરવા માટે ભારત અને અમેરિકા ફરી એકવાર સાથે મળીને કામ કરે તેવી અપેક્ષા છે.
પીએમ મોદીનો પત્ર લઈને અમેરિકા ગયા હતા
20 જાન્યુઆરી, 2025 ના રોજ, ડોનાલ્ડ ટ્રમ્પે બીજી વખત અમેરિકાના રાષ્ટ્રપતિ તરીકે શપથ લીધા. ડોનાલ્ડ ટ્રમ્પના શપથ ગ્રહણ સમારોહમાં વિદેશ મંત્રી એસ જયશંકરે ભારતનું પ્રતિનિધિત્વ કર્યું હતું. વિદેશ મંત્રી વડાપ્રધાન નરેન્દ્ર મોદીનો પત્ર લઈને અમેરિકા પહોંચ્યા હતા. કહેવામાં આવી રહ્યું છે કે બંને નેતાઓ વચ્ચે દ્વિપક્ષીય મુદ્દાઓ પર ચર્ચા થઈ હતી. વાતચીત દરમિયાન ભારત-અમેરિકા સંબંધોને વધુ મજબૂત કરવા પર સહમતિ સધાઈ હતી.
આ પણ વાંચો: PM મોદી સાંભળી રહ્યા હતા, ઈન્ડોનેશિયાના રાષ્ટ્રપતિએ તેમને ભારતની તરફેણની યાદ અપાવી
આ પણ વાંચો: ટ્રમ્પની જાહેરાત-H1B વિઝા બંધ નહીં થાયઃ અમેરિકાને ટેલેન્ટની જરૂર, આવતા મહિને મોદી-ટ્રમ્પની મુલાકાતની શક્યતા
આ પણ વાંચો: PM મોદીએ ભારત મોબિલિટી ગ્લોબલ એક્સપોનું કર્યું ઉદઘાટન, નવી કારોનું પ્રદર્શન થશે, જાણો વિગતો
