જો તમારી પાસે ગૂગલ પર એકાઉન્ટ છે તો સાવચેત રહો. ગૂગલ 1 જૂન 2021 થી નવી નીતિનો અમલ કરવા જઈ રહ્યું છે. નવી નીતિ લાગુ થયા પછી તમારું એકાઉન્ટ પણ બંધ થઈ શકે છે. નવી નીતિ અનુસાર, જો યૂઝર્સ Gmail, ગૂગલ Drive અને ગુગલ Photos એકાઉન્ટ બે વર્ષથી નિષ્ક્રિય છે, તો પછી ગૂગલ આ બધા એકાઉન્ટ્સમાંથી તમારા કન્ટેન્ટને દૂર કરશે અને આ એકાઉન્ટ્સ બંધ કરી દેશે.
એટલું જ નહીં, જો તમારે હજી પણ તમારા Gmail, ગૂગલ Drive અને ગૂગલ Photos એકાઉન્ટનો ઉપયોગ આગળ કરવાનો છે, તો તમારે આ એકાઉન્ટ્સ પર તમારી પ્રવૃત્તિ વધારવી પડશે.જો કે ગૂગલ કોઈપણ યૂઝર્સનાં કન્ટેન્ટ કાઠતા પહેલા તેની માહિતી પણ આપશે. ગૂગલની નવી નીતિ મુજબ, જો તમારું એકાઉન્ટ 2 વર્ષથી તેની સ્ટોરેજ મર્યાદા કરતા વધારે છે, તો પછી ગૂગલ જીમેલ, ડ્રાઇવ અને ફોટામાંથી કન્ટેન્ટને દૂર કરી શકે છે. જો કે, ગૂગલે સ્પષ્ટ કર્યું છે કે કન્ટેન્ટને દૂર કરતા પહેલા યૂઝર્સને પણ જાણ કરવામાં આવશે. જો તમે તમારું એકાઉન્ટ બંધ થવાથી બચાવવા માંગો છો, તો તમારે સમય સમય પર એકાઉન્ટ ખોલવું પડશે અને તેને અપડેટ કરતા રહેવુ પડશે.
વળી ગૂગલ ફોટોઝ તેની ખૂબ જ આકર્ષક ફ્રી અનલિમિટેડ સ્ટોરેજ સર્વિસને બંધ કરી રહ્યા છે અને સ્ટોરેજ સ્પેસ માટે ચાર્જ કરવાનું શરૂ કરશે, જે તમારા ફોટો અને વીડિયોને 15 જીબી કોટાથી વધુ લે છે. નવો ફેરફાર 1 જૂન, 2021 થી અમલમાં આવશે. ધ્યેય એ છે કે ગૂગલને વધુ લોકોને પેઇડ ગૂગલ વન સબ્સ્ક્રિપ્શન મેળવવામાં મદદ કરવાની છે, જે ક્લાઉડ સ્ટોરેજ, ગૂગલ ડ્રાઇવ અને જીમેલની સાથે ગૂગલ ફોટોઝ માટે 30 ટીબી સુધીની જગ્યા પૂરી પાડે છે. આ સાથે જ ગૂગલ વધુમાં વધુ બે વર્ષથી સક્રિય થયેલ ન હોય તેવા નિષ્ક્રિય એકાઉન્ટ્સમાંથી ડેટા દૂર કરવાની નીતિ લાવી રહ્યું છે.
