રાજય માં છેલ્લા ઘણા સમય થી વરસાદે વિરામ લીધો છે ત્યારે રાજયમાં આજે સોમવારે સારા વરસાદની હવામાન વિભાગ તરફથી આગાહી કરવામાં આવી છે. જે અંતર્ગત રાજય ના રાજ્યના 9 જિલ્લાઓની યાદી આપવામાં આવી છે જેમાં ભારે વરસાદ થઈ શકે છે. હવામાન વિભાગની આગાહી મુજબ આ નવ જિલ્લાઓમાં સોમવારે 23મી ઑગસ્ટના રોજ વરસાદ ભુક્કા બોલાવી શકે છે.
રાજય માં 5 જિલ્લા દક્ષિણ ગુજરાતના છે અને ચાર જિલ્લા સૌરાષ્ટ્રના છે. એટલે કે દક્ષિણ ગુજરાત અને સૌરાષ્ટ્રના આ જિલ્લાઓમાં કાલે ભારે વરસાદ ખાબકી શકે છે. દક્ષિણ ગુજરાતમાં સુરત, નર્મદા, નવસારી, ભરૂચ, વલસાડમાં ભારે વરસાદની શક્યતા છે.
આ પણ વાંચો :પાકિસ્તાનના બલુચિસ્તાનમાં છેલ્લા ત્રણ દિવસમાં આજે બીજો હુમલો, આ ઘટનાથી ચીનની ચિંતા વધતી જોવા મળી
સૌરાષ્ટ્રના જે ચાર જિલ્લામાં ભારે વરસાદની આગાહી છે તેમાં ભાવનગર, ગીરસોમનાથ, અમરેલી અને જૂનાગઢમાં ભારે વરસાદની આગાહી છે. આ ઉપરાંત અન્ય જિલ્લામાં છુટાછટાવાય વરસાદની આગાહી છે. આજે રત્રા બંધનના દિવસે રાજ્યના 30થી વધુ તાલુકામાં મેઘમહેર થઈ છે.
અમરેલીના લીલીયા શહેરમાં 4 કલાકમાં 5 ઈંચ વરસાદ ખાબકતા જળબંબાકારની સ્થિતિ જોવા મળી છે. લીલીયામાંથી પસાર થતી નાવલી નદીમાં પૂર આવ્યું છે. નીચાણવાળા વિસ્તારમાં ઘૂંટણસમા પાણી ભરાયા છે. ધારીમાં આવેલો ખોડિયાર ડેમ હાઈએલર્ટ પર મુકાયો છે.
આ પણ વાંચો :KGF 2 ની જાહેર થઈ રિલીઝ ડેટ , આ તારીખે બોક્સ ઓફિસ પર કરશે ધમાકા
