તેલંગાણામાં એક નવો વિવાદ સામે આવ્યો છે, જ્યાં હિંદુ મહિલાઓને પરીક્ષા કેન્દ્રમાં પ્રવેશવા માટે તેમનું મંગળસૂત્ર કાઢવાનું કહેવામાં આવ્યું હતું. જ્યારે મુસ્લિમ મહિલાઓને બુરખો પહેરીને પરીક્ષા કેન્દ્રમાં પ્રવેશવા દેવામાં આવ્યો હતો. આ ઘટના 16 ઓક્ટોબર 2022ની છે. તે દિવસે તેલંગાણા સ્ટેટ પબ્લિક સર્વિસ એક્ઝામિનેશન (TSPSC) દ્વારા આયોજિત ગ્રુપ-1 ની પ્રારંભિક પરીક્ષા ચાલી રહી હતી. આ મામલો અદિલાબાદના વિદ્યાર્થી જુનિયર એન્ડ ડિગ્રી કોલેજનો છે.
શું છે તાજેતરનો કેસ
એવા સમયે જ્યારે સુપ્રીમ કોર્ટે કર્ણાટકમાં શૈક્ષણિક સંસ્થાઓમાં હિજાબ વિવાદ પર વિભાજિત ચુકાદો આપ્યો છે, ત્યારે આ મામલાની સુનાવણી માટે મોટી બેંચની રચના કરવાનો નિર્ણય લેવામાં આવ્યો છે. ત્યારે ફરી એકવાર તેલંગાણામાં બુરખાનો વિવાદ સામે આવ્યો છે. એવો આરોપ છે કે તેલંગાણાના આદિલાબાદમાં એક પરીક્ષા કેન્દ્રમાં હિન્દુ મહિલાઓને બંગડીઓ, કાનની બુટ્ટી, પાયલ, વીંટી, ગળાની ચેન સહિતની તમામ વસ્તુઓ ઉતારવાનું કહેવામાં આવ્યું હતું. પરીક્ષા માટે તૈનાત સુરક્ષાકર્મીઓએ એમ પણ કહ્યું કે કેટલીક મહિલાઓએ તેમના મંગળસૂત્ર પણ ઉતારવા જોઈએ. સાથે જ એવો પણ દાવો કરવામાં આવી રહ્યો છે કે મુસ્લિમ મહિલાઓ બુરખો પહેરીને પરીક્ષા કેન્દ્રમાં પ્રવેશતી જોવા મળી હતી અને પોલીસકર્મીઓ સહિત કોઈએ તેમને રોકવાનો પ્રયાસ કર્યો ન હતો.
This happened yesterday at a Group-1 examination centre in Telangana.
Burqa is allowed but earrings, bangles and payal must be removed. Height of appeasement. Shameful indeed. pic.twitter.com/KL10IG054M
— Priti Gandhi (@MrsGandhi) October 18, 2022
આ ઘટના ક્યારે અને ક્યાં બની હતી
આ ઘટના 16 ઓક્ટોબર (રવિવાર) ના રોજ વિદ્યાર્થિ જુનિયર એન્ડ ડિગ્રી કોલેજ, આદિલાબાદ ખાતે તેલંગાણા રાજ્ય પબ્લિક સર્વિસ કમિશન (TPSSC) દ્વારા હાથ ધરવામાં આવેલી ગ્રુપ-1 પ્રિલિમિનરી પરીક્ષા દરમિયાન બની હતી. આ ઘટનાનો એક વીડિયો ટ્વિટર પર પણ શેર કરવામાં આવ્યો છે જેમાં બુરખો પહેરેલી એક મહિલા પરીક્ષા કેન્દ્રમાં પ્રવેશી રહી છે. જ્યારે અન્ય મહિલાઓ કેન્દ્ર સુધી પહોંચવા માટે તેમના ઘરેણાં ઉતારતી જોઈ શકાય છે. આ વીડિયો શેર કરતા ભાજપ નેતા પ્રીતિ ગાંધીએ સવાલ ઉઠાવ્યો છે કે પરીક્ષા કેન્દ્રમાં બુરખાની છૂટ છે પરંતુ કાનની બુટ્ટી, બંગડીઓ અને પાયલ ઉતારવામાં આવી રહ્યા છે. આ તુષ્ટિકરણની રાજનીતિની પરાકાષ્ઠા છે. આ પછી રાજ્યના અન્ય બીજેપી નેતાઓએ પણ ટ્વિટર પર જઈને તેલંગાણા રાષ્ટ્ર સમિતિ (TRS) સરકાર પર આકરા પ્રહારો કર્યા અને કહ્યું કે TRS લઘુમતી તુષ્ટિકરણની રાજનીતિ કરી રહી છે. ભાજપના નેતાઓએ પ્રશ્ન કર્યો કે કેવી રીતે હિંદુ મહિલા/છોકરી ઉમેદવારોને બંગડીઓ, પાયલ, વીંટી, ચેન, કાનની બુટ્ટી અને ‘મંગલસૂત્ર’ પણ ઉતારવા માટે કહેવામાં આવ્યું જ્યારે સંબંધિત સત્તાવાળાઓએ મુસ્લિમ મહિલાઓને ‘બુરખો’ દૂર કરવા કહ્યું. તે પહેરીને પરીક્ષા કેન્દ્રમાં પ્રવેશવાની મંજૂરી આપવામાં આવી.
At one Centre where TSPSC Group 1 Exam was held Police checked all aspirants as per Govt of India competitive exam guidelines without any partiality .
But BJP who wants to disturb the communal peace and harmony of Telangana have shared few selective videos only ! pic.twitter.com/5bhiCG28HJ— Dr.Krishank (@Krishank_BRS) October 18, 2022
ઘટના પુષ્ટિ
નામ જાહેર ન કરવાની શરતે આ ઘટનાની પુષ્ટિ કરતા એક કર્મચારીએ જણાવ્યું કે મુસ્લિમ મહિલાઓને બુરખો પહેરીને પરીક્ષા આપવાની છૂટ હતી. જ્યારે હિંદુ મહિલાઓને મંગળસૂત્ર સહિતના ઘરેણા પહેરીને પરીક્ષા ખંડમાં પ્રવેશવા દેવામાં આવ્યો ન હતો.
બીજી તરફ ટીઆરએસના નેતા કૃષ્ણાએ દાવો કર્યો હતો કે પરીક્ષા કેન્દ્ર પર દરેકની સરખી રીતે તપાસ કરવામાં આવી હતી અને ભાજપ સાંપ્રદાયિક શાંતિને ભંગ કરવા માટે રાજકારણ રમી રહ્યું છે. તેણે ટ્વિટર પર એક વીડિયો પણ શેર કર્યો છે જેમાં સુરક્ષાકર્મીઓ બુરખો પહેરેલી છોકરીને ચેક કરી રહ્યાં છે. જો કે, અધિકારીઓએ તેને તેનો બુરખો કાઢીને અંદર જવા કહ્યું ન હતું.
શું કહે છેઅધિકારીઓ
અદિલાબાદના પોલીસ સુપરિન્ટેન્ડેન્ટ (SP), ડી ઉદય કુમાર રેડ્ડીએ સ્વીકાર્યું કે હિંદુ મહિલાઓને અમુક ‘ભૂલ’ને કારણે મગલસૂત્ર સહિત તેમના ઘરેણાં કાઢવા માટે કહેવામાં આવ્યું હતું અને બાદમાં તેને સુધારી દીધું હતું. શરૂઆતમાં એમઆરઓ (ડિવિઝનલ રેવન્યુ ઓફિસર)ની ભૂલને કારણે આવું બન્યું હતું. જેના કારણે હિન્દુ મહિલાઓને તમામ સામાન ઉતારી લેવાનું કહેવામાં આવ્યું હતું પરંતુ બાદમાં પોલીસ ઘટનાસ્થળે પહોંચી હતી અને હિન્દુ મહિલાઓને મંગળસૂત્ર પહેરવાની મંજૂરી આપવામાં આવી હતી.
આ પણ વાંચો:કોંગ્રેસને 24 વર્ષ બાદ બિન-ગાંધી અધ્યક્ષ મળશે! મતગણતરી શરૂ,ખડગેની જીત લગભગ નિશ્વિત!
આ પણ વાંચો:એશિયાના સૌથી મોટા ડિફેન્સ એક્સ્પોનું પીએમ મોદીએ કર્યુ ઉદ્ધાટન,ગુજરાત પણ ડિફેન્સનો કેન્દ્ર બનશે
આ પણ વાંચો:હિમાચલ પ્રદેશમાં કોંગ્રેસ બાદ ભાજપે પણ પ્રથમ ઉમેદવારની યાદી જાહેર કરી,જાણો
