બેનામી સંપત્તિનો મામલો ફરી એકવાર ચર્ચામાં આવ્યો છે. શુક્રવારે આવકવેરા વિભાગના અધિકારીઓ વાડ્રાની ઓફિસે પહોંચ્યા હતા અને તેમનું નિવેદન નોંધ્યું હતું. આવકવેરા વિભાગ દ્વારા હજી સુધી કોઈ સત્તાવાર માહિતી આપવામાં આવી નથી. આ પછી, અધિકારી સીધા રોબર્ટ વાડ્રાના ઘરે પહોંચ્યા અને તેનું નિવેદન નોંધવામાં આવી રહ્યું છે.

આવકવેરા વિભાગના સૂત્રોના જણાવ્યા અનુસાર, રોબર્ટ વાડ્રાનું નિવેદન દક્ષિણ પૂર્વ દિલ્હીની સુખદેવ વિહાર કાર્યાલયમાં નોંધવામાં આવી રહ્યું છે. સૂત્રો કહે છે કે આવકવેરાની ટીમ બિકાનેર અને ફરીદાબાદ જમીન કૌભાંડ મામલે રોબર્ટ વાડ્રાની પૂછપરછ કરી રહી છે.

રોબર્ટ વાડ્રા કોંગ્રેસના વચગાળાના પ્રમુખ સોનિયા ગાંધીના જમાઈ છે અને તેમણે કોંગ્રેસના મહાસચિવ પ્રિયંકા ગાંધી સાથે લગ્ન કર્યા છે. એવું કહેવામાં આવી રહ્યું છે કે રોબોર્ટ વાડ્રા કોરોના મહામારીને કારણે આવકવેરા વિભાગની તપાસમાં ભાગ લઈ શક્યો ન હતો. આવકવેરા ઉપરાંત, એન્ફોર્સમેન્ટ ડિપાર્ટમેન્ટ (ઇડી) રોબર્ટ વાડ્રા સામે મની લોન્ડરિંગ કેસની તપાસ કરી રહ્યું છે.

રોબર્ટ વાડ્રા પર લંડન સ્થિત સંપત્તિની ખરીદી માટે મની લોન્ડરિંગનો આરોપ છે. વાડ્રા પર બ્રાયનસ્ટન સ્ક્વેરમાં 1.9 મિલિયન પાઉન્ડની કિમતનું  ઘર ખરીદવાનો આરોપ છે. રોબર્ટ વાડ્રા હાલમાં આગોતરા જામીન પર છે.

મંતવ્ય ન્યૂઝ દ્વારા જાહેર અપીલ –

દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…