તમે ક્યારેય કોઈને આંખે પાટા બાંધેલા, લખતા કે વાંચતા જોયા છે? આ સાંભળીને તમે ચોક્કસ અજીબ લાગશે. પરંતુ તે બિલકુલ સાચું છે કે આંખ પર પટ્ટી બાંધીને પણ લખી અને વાંચી શકાય છે. ખરેખર મધ્યપ્રદેશના ઈંદોરમાં ફક્ત 13 વર્ષની બાળકી આવું કરી શકે છે.
ઇંદોરમાં રહેતી 13 વર્ષીય તનિષ્કા પાસે એવી આવડત છે કે લોકો તેમને જોઈને ચોંકી જાય છે. તનિષ્કા જોયા વગર એટલે કે આંખ પર પટ્ટી બાંધીને વાંચી અને લખી શકે છે. ભણવામાં પણ તેની યોગ્યતા એટલી શ્રેષ્ઠ છે કે તેની ક્ષમતાઓથી લોકોને આશ્ચર્યચકિત કરે છે.
તનિષ્કા સુજિતે કહ્યું હતું કે, ‘હું રૂબિક્સ ક્યુબની પઝલ આંખોથી હલ કરી શકુ છું. હું આંખે પટ્ટી બાંધીને પણ વાંચી અને લખી શકું છું. મેં આ પ્રતિભાને એશિયા બૂક ઓફ રેકોર્ડ્સ અને ઈન્ડિયા બૂક ઓફ રેકોર્ડ્સમાં નોંધાવી છે. મેં 11 વર્ષની ઉંમરે ધોરણ 10 ની પરીક્ષાઓ પાસ કરી હતી જ્યારે 12 વર્ષની ઉંમરે મેં 12ની પરીક્ષા પાસ કરી હતી. હવે હું 13 વર્ષની ઉંમરે ઈંદોરની દેવી અહિલ્યા યુનિવર્સિટીમાં આગળનું શિક્ષણ લઈ રહી છું.
#WATCH| 13-year-old Tanishka Sujit from Indore solves Rubik’s cube wearing a blindfold.
“I can also read & write wearing a blindfold. I’ve made it to Asia Book of Records & India Book of Records. I wrote class 10 exams at the age of 11 years & class 12 exams at age 12”, she says pic.twitter.com/FFotDnfinK
— ANI (@ANI) February 3, 2021
તનિષ્કા કહે છે કે તેણીની હવે આદત પાડી છે અને તે તેના માટે ખૂબ જ સરળ છે. તેણી આંખો પર કાળી પટ્ટી વડે ખૂબ જ સરળતાથી અન્ય ઘણી વસ્તુઓ કરી શકે છે. આમાં લખવાનું અને વાચવાનું બન્ને સામેલ છે.
સ્નોબોર્ડિંગ કરતા સમયે શખ્સ પર તૂટી પડ્યો બરફનો પહાડ, વીડિયો જોઇને રુવાંટા ઉભા થઇ જશે
તાજેતરમાં જ ચાર વર્ષની બ્રિટીશ શિખ છોકરી દયાલ કૌરને બાળકોના આઇક્યુ વાળા મેન્સા ક્લબમાં સામેલ કરવામાં આવી હતી. બર્મિંઘમમાં રહેતી દયાલ કૌર પણ નાની ઉંમરથી જ શીખવાની અદભૂત ક્ષમતા ધરાવે છે. ન્યૂઝ એજન્સી પીટીઆઈએ પોતાના અહેવાલમાં જણાવ્યું છે કે દયાલ કૌર જ્યારે માત્ર 14 મહિનાની હતી ત્યારે અંગ્રેજી મૂળાક્ષરો યાદ કરી લીધા હતા. તે બાળકોના આઇક્યુ ક્લબ મેન્સામાં જોડાવા માંગતી હતી. ચાર વર્ષીય દયાલ કૌરે મેન્સા ટેસ્ટમાં ઓનલાઇન યોજાયેલી 145 આઇક્યૂ સ્કોર મેળવ્યો હતો.
દયાલ કૌરની સિધ્ધિએ તેમને બ્રિટનની વસ્તીના ટોચના એક ટકા લોકોમાંથી એક બનાવ્યો છે, જેમને પ્રકૃતિથી અપવાદરૂપ પ્રતિભા છે. બ્રિટિશ મેન્સાના સીઈઓ જ્હોન સ્ટીવેનેજના જણાવ્યા અનુસાર, આ સુપર હ્યુમન ક્લબમાં 2000 પ્રતિભાશાળી નાના બાળકો છે. દયાલ કૌરના પિતા સરબજીત સિંઘ, વ્યવસાયે શિક્ષક કહે છે કે તેમની પુત્રીની કુશળતા ભગવાનની ભેટ છે. હવે તે અધિકૃત દસ્તાવેજોથી પણ સાબિત થઈ ગયું છે કે લાખો લોકોમાં દયાલ એક છે. દયાલ તારાઓની દુનિયાને પસંદ કરે છે. તે મોટા થઈને ખગોળશાસ્ત્રી બનવા માંગે છે.
