ઇઝરાઇલમાં સત્તામાં પરિવર્તન થવા જઇ રહ્યો છે. સ્થિતિ એવી આવી છે કે વિપક્ષ સૌથી લાંબા સમય સુધી સત્તામાં રહેલા વડા પ્રધાન બેન્જામિન નેતન્યાહૂને પદથી હટાવવાની નજીક આવી ગયા છે. આ વિશે માહિતી આપતા ઈઝરાઇલનાં રાષ્ટ્રપતિ રેવાન રિવલિને પોતે કહ્યું છે કે, વિપક્ષી પાર્ટીઓ આ અંગે સમજૂતી કરી ચૂકી છે અને તેઓ નવી સરકાર બનાવવા માટે પણ લગભગ તૈયાર છે. બુધવારે વિપક્ષની સમય સીમા પૂર્ણ થતા લગભગ આઠેક કલાક અગાઉ આ બધું બન્યું હતું. નોંધપાત્ર વાત એ છે કે નેતન્યાહૂ છેલ્લા 12 વર્ષથી વડા પ્રધાન છે. માનવામાં આવે છે કે નેતન્યાહૂ અંતિમ ક્ષણ સુધી પોતાની ખુરશી બચાવવાનો પ્રયત્ન કરશે.
વિશ્વ સાયકલ દિવસ / ધ્રાંગધ્રાની યુવા બ્રિગેડનું અનોખું સાયકલીંગ અભિયાન, 1 વર્ષમાં 60 હજાર કિ.મી.થી પણ વધારે કર્યુ સાયકલીંગ
આ માહિતી રાષ્ટ્રપતિને યાઇર લેપિડે ઈ-મેલ દ્વારા આપી છે. આમાં તેમણે લખ્યું છે કે, તેમને સરકારની રચના કરવામાં સફળતા મળી હોવાનું કહેતા તેઓ ખૂબ જ ગર્વ અનુભવી રહ્યા છે. રાષ્ટ્રપતિ સોકર કપ ફાઇનલ જોઈ રહ્યા હતા ત્યારે આ બધું બન્યું હતું. આ માટે તેમણે લેપિડને અભિનંદન પણ આપ્યા છે. લેપિડની પ્રમુખ સહયોગી રાષ્ટ્રવાદી નેફ્તાલી બેનેટ, હવે ઇઝરાઇલનાં નવા વડા પ્રધાન બનશે. સરકાર બનાવવા માટે વિપક્ષી નેતાઓ વચ્ચે થયેલા કરાર મુજબ બેનેટ પહેલા વડા પ્રધાન પદ સંભાળશે, ત્યારબાદ લેપિડ આ જવાબદારી સંભાળશે. 57 વર્ષિય લેપિડ ભૂતકાળમાં ટીવી કાર્યક્રમો સાથે સંકળાયેલા રહ્યા છે. આ સિવાય તેમણે દેશનાં નાણાં પ્રધાનની જવાબદારી પણ સંભાળી છે.
મેહુલ ચોકસી / કૌભાંડી મેહુલ ચોકસીને લાગ્યો મોટો ઝટકો, ડોમિનિકાની કોર્ટે રદ્દ કરી જામીન અરજી
નોંધપાત્ર વાત એ છે કે નાના અને મોટા વિપક્ષી પાર્ટીઓનાં જોડાણથી દેશમાં નેતન્યાહૂને દૂર કરવાનું શક્ય બન્યું છે. ઇઝરાઇલનાં ઇતિહાસમાં આ પહેલી વાર છે જ્યારે ઇઝરાઇલમાં અરબ લઘુમતીનાં 21 ટકા લોકોનું પ્રતિનિધિત્વ કરનારી પાર્ટી મોખરે રહી છે. તેને બેનેટની યામિના પાર્ટીનો ટેકો મળ્યો છે. આ સિવાય સેન્ટર-લેફ્ટ બ્લુ એન્ડ વ્હાઇટ, જેનું સંરક્ષણ પ્રધાન બેની ગેન્ટ્ઝ, લેફ્ટ વિંગ મેરેટ્ઝ અને લેબર પાર્ટી, પૂર્વ સંરક્ષણ પ્રધાન અવિગ્ડોર લિબરમેન, રાષ્ટ્રવાદી યે ઇઝરાઇલ બેટન્યૂ પાર્ટી, રાઇટ વિંગ પાર્ટીનાં અધ્યક્ષ ભૂતપૂર્વ શિક્ષણ પ્રધાન ગિડોન છે. જોકે, સરકાર બન્યા પછી પણ આ અંગે મુસિબતો ઓછી નથી. તેનું સૌથી મોટું કારણ એ છે કે આ સરકાર સંપૂર્ણ બહુમતીથી થોડી જ આગળ છે. એવું માનવામાં આવે છે કે નવી સરકારનો શપથ ગ્રહણ સમારોહ 10-12 દિવસની વચ્ચે થઈ શકે છે. નિષ્ણાતો કહે છે કે બેન્જામિન નેતન્યાહૂએ તેમની સરકાર જાળવવા તમામ પ્રયાસો કર્યા છે. નવી સરકાર બહુમતી ન જીતે ત્યાં સુધી નેતન્યાહૂ પદ પર રહેશે.
