કોરોના મહામારીની શરૂઆતનાં લગભગ બે વર્ષ બાદ વડાપ્રધાન નરેન્દ્ર મોદી તેમની પ્રથમ વિદેશ યાત્રા પર ત્રણ દિવસની મુલાકાતે અમેરિકા પહોંચ્યા છે. PM મોદી ભારતીય સમય મુજબ સવારે 3.30 વાગ્યે વોશિંગ્ટનમાં જોઈન્ટ બેઝ એન્ડ્યુઝ પર ઉતર્યા હતા. PM મોદીની લોકપ્રિયતાનો અંદાજ એ વાત પરથી લગાવી શકાય છે કે તે સમયે વોશિંગ્ટનમાં ખૂબ વરસાદ પડી રહ્યો હતો, તેમ છતાં તેમને આવકારવા માટે સેંકડો અમેરિકન ભારતીયો બેઝ પર હાજર હતા. PM મોદીએ પણ તેમને નિરાશ ન કર્યા અને તેમની પાસે ગયા અને તેમને મળ્યા. આ પછી PM મોદીનો કાફલો પેન્સિલવેનિયાની હોટલ વિલાર્ડ પહોંચ્યો. આજે PM મોદી અમેરિકાનાં ટોચનાં સીઈઓને મળ્યા બાદ અમેરિકાનાં ઉપરાષ્ટ્રપતિ કમલા હેરિસને પણ મળશે.
#WATCH | US: Prime Minister Narendra Modi meets people to greet them at the Joint Andrews, Washington DC pic.twitter.com/5czPnelcrU
— ANI (@ANI) September 22, 2021
આ પણ વાંચો – Good News! / કોરોના હવે સામાન્ય બિમારી બની જશેઃ AIIMS ડાયરેક્ટર
વોશિંગ્ટન પહોંચતા PM મોદીનું અમેરિકામાં ભારતીય રાજદૂત તરનજીત સિંહ સંધુ સહિત યુએસ સ્ટેટ ડિપાર્ટમેન્ટનાં અધિકારીઓએ સ્વાગત કર્યું હતું. PM મોદીએ પણ ટ્વિટ કરીને તેમના વોશિંગ્ટન આગમન અંગે માહિતી આપી હતી. તેમણે પોતાના ટ્વિટમાં લખ્યું, ‘વોશિંગ્ટન ડીસી પહોંચી ગયો છુ. આગામી બે દિવસોમાં હું અમેરિકાનાં રાષ્ટ્રપતિ જો બિડેન અને ઉપરાષ્ટ્રપતિ કમલા હેરિસ, સ્કોટ મોરિસન, યોશીહિદે સુગાને મળીશ. આ દરમિયાન, હું ક્વોડ મીટિંગમાં પણ ભાગ લઈશ અને ટોચની કંપનીઓનાં CEO ને મળીશ અને તેમની સામે ભારતમાં આર્થિક સિદ્ધિઓ રજૂ કરીશ.
US: Prime Minister Narendra Modi arrives at Joint Base Andrews, Washington DC for his 3-day visit.
He will be attending the first in-person Quad Leaders’ Summit, hold bilateral meetings, & address United Nations General Assembly pic.twitter.com/CzU3qabCVT
— ANI (@ANI) September 22, 2021
આ મુલાકાતમાં PM મોદી સંયુક્ત રાષ્ટ્ર મહાસભાને સંબોધિત કરશે અને ક્વોડ દેશોનાં નેતાઓ સાથે બેઠક કરશે. આ સિવાય PM મોદી વ્હાઈટ હાઉસમાં અમેરિકી રાષ્ટ્રપતિ જો બિડેન સાથે દ્વિપક્ષીય વાતચીત પણ કરશે. માનવામાં આવે છે કે આ પ્રવાસમાં ચીનની આક્રમક વિસ્તરણવાદી નીતિ પર વ્યૂહરચના બનાવવામાં આવશે, જેમાં અફઘાનિસ્તાનમાં તાલિબાન શાસનનો સમાવેશ થાય છે.
#WATCH | United States: People hold the Indian National flag as they cheer & wait for Prime Minister Narendra Modi to arrive at Joint Base Andrews in Washington DC pic.twitter.com/aBGiFbcXZS
— ANI (@ANI) September 22, 2021
આ પણ વાંચો – Mumbai / મુંબઈ એરપોર્ટ પર કસ્ટમ વિભાગની મોટી કાર્યવાહી, 25 કરોડ રૂપિયાનું જપ્ત કર્યું ડ્રગ્સ
ઉલ્લેખનીય છે કે, કોરોના મહામારીની શરૂઆત બાદ બે વર્ષમાં PM નરેન્દ્ર મોદીની આ પ્રથમ અમેરિકાની મુલાકાત છે. આ સમય દરમિયાન, અમેરિકામાં સત્તા પણ બદલાઈ ગઈ છે. હવે ટ્રમ્પની જગ્યાએ, બિડેન વહીવટ અમેરિકન સત્તાનાં નિયંત્રણમાં છે. PM મોદી ગુરુવારે પાંચ મોટી કંપનીઓ ક્વોલકોમ, એડોબ, ફર્સ્ટ સોલર, જનરલ એટોમિક્સ અને બ્લેકસ્ટોનનાં CEO ને મળશે. આ પછી, તેઓ સવારે 11 વાગ્યે વિલાર્ડ હોટેલમાં ઓસ્ટ્રેલિયાનાં વડાપ્રધાન સ્કોટ મોરિસનને મળશે.
#WATCH | Prime Minister Narendra Modi arrives at the hotel in Washington DC, US pic.twitter.com/vlZRsIHUhw
— ANI (@ANI) September 22, 2021
આ પછી, PM મોદી આઇઝનહોવર એક્ઝિક્યુટિવ ઓફિસ માટે અમેરિકાનાં વાઇસ પ્રેસિડેન્ટ કમલા હેરિસને મળવા માટે લગભગ 12:30 વાગ્યે રવાના થશે. PM મોદી આવતીકાલે વ્હાઈટ હાઉસમાં US રાષ્ટ્રપતિ જો બિડેન સાથે પ્રથમ વ્યક્તિગત દ્વિપક્ષીય વાતચીત કરશે, જે પછી ક્વોડ લીડર્સ સમિટ થશે. શનિવારે PM મોદી UNGA નાં 76 માં સત્રને સંબોધિત કરશે.
