ભારતીય શટલર પીવી સિંધુએ રવિવારે મહિલા સિંગલ્સની ફાઇનલમાં ચીનની વાંગ ઝી યી સામે અદભૂત જીત નોંધાવીને સિંગાપોર ઓપન 2022નો ખિતાબ જીતવા માટે તેનું શાનદાર પ્રદર્શન ચાલુ રાખ્યું હતું. પીવી સિંધુએ 11મા ક્રમાંકિત વાંગ ઝી યીને હરાવીને તેણીનું પ્રથમ સિંગાપોર ઓપન ટાઇટલ, તેણીનું પ્રથમ સુપર 500 ટાઇટલ જીત્યું. બે વખતની ઓલિમ્પિક મેડલ વિજેતા પીવી સિંધુનું આ વર્ષનું આ ત્રીજું ટાઈટલ છે. અગાઉ, તે સૈયદ મોદી ઇન્ટરનેશનલ અને સ્વિસ ઓપનમાં બે સુપર 300 ટાઇટલ જીતી ચૂકી છે. આ મેચમાં સિંધુએ વાંગ ઝી યીને 21-9, 11-21 અને 21-15થી હરાવ્યું હતું. કોમનવેલ્થ ગેમ્સ પહેલા આ ખિતાબ ચોક્કસપણે સિંધુનો આત્મવિશ્વાસ વધારશે.

પીવી સિંધુએ મેચની શાનદાર શરૂઆત કરી હતી, પ્રથમ સેટમાં તેણે ચીનની શટલરને 21-9ના મોટા માર્જિનથી હરાવ્યું હતું, પરંતુ બીજા સેટમાં વાંગ ઝી યીએ શાનદાર વાપસી કરીને સિંધુને 11-21થી હરાવી હતી. ત્રીજી અને નિર્ણાયક મેચમાં બંને ખેલાડીઓ વચ્ચે ગાઢ લડાઈ જોવા મળી હતી, પરંતુ મેચના અંત સુધીમાં સિંધુએ વાંગ ઝી યી પર પ્રભુત્વ જમાવવાનું શરૂ કર્યું હતું અને અંતિમ સેટ 21-15થી જીતીને ટાઇટલ જીતી લીધું હતું.

https://twitter.com/Media_SAI/status/1548556490172010496?ref_src=twsrc%5Etfw%7Ctwcamp%5Etweetembed%7Ctwterm%5E1548556490172010496%7Ctwgr%5E%7Ctwcon%5Es1_&ref_url=https%3A%2F%2Fwww.livehindustan.com%2Fcricket%2Fstory-pv-sindhu-wins-singapore-open-2022-title-defeats-wang-zhi-yi-in-the-final-6801113.html

સિંધુ અંતિમ સેટમાં 11-6થી આગળ હતી, પરંતુ ચીનની શટલરે જોરદાર વાપસી કરીને સ્કોરને 12-11 સુધી પહોંચાડ્યો હતો. આ દરમિયાન સિંધુએ કોર્ટના મૂલ્યાંકનમાં ઘણી ભૂલો કરી, પરંતુ અંતે આ ખેલાડીએ જોરદાર વાપસી કરી અને મેચ જીતી લીધી.

આ પણ વાંચો:આ છે દેશના પ્રથમ ટ્રાન્સજેન્ડર પાયલોટ, વિમાન ઉડાવવાની લીધી ટ્રેનિંગ, પરંતુ સપનું પૂરું નહીં થવાનો ભય

આ પણ વાંચો:હવે ખાનગી કંપની પણ બનાવશે સેના માટે હેલિકોપ્ટર, રક્ષા મંત્રાલય ટૂંક સમયમાં આપશે મંજૂરી

આ પણ વાંચો:ઘાઘરા નદીમાંથી નીકળ્યું 53 કિલો ચાંદીનું શિવલિંગ, પૂજા કરવા લોકો ઉમટ્યા