એક ખૂબ જ આશ્ચર્યજનક વીડિયો વાયરલ થઈ રહ્યો છે જેમાં પાણીમાં રહેલા એક મગરે તેના મોંમાં ઉપર ઉડતા ડ્રોનને પકડી લીધો છે. તે સમજે છે કે તે કોઈ ઉડતો જીવ છે. એટલું જ નહીં, ડ્રોન પકડતાની સાથે જ તે પાણીની નીચે જાય છે. પણ પછી બીજી જ ક્ષણે તે ઉપર આવે છે, તે જોવા મળે છે કે તેના મોઢામાંથી ભયંકર રીતે ધુમાડો નીકળી રહ્યો છે. આ બધું ત્યારે થયું જ્યારે ઉડતું ડ્રોન મગરની નજીક આવ્યુ અને તેનો ક્લોઝ-અપ શોટ લેવાનો પ્રયત્ન કર્યો.
આ પણ વાંચો – Covid-19 / તો શું ત્રીજી લહેરની થઇ ગઇ છે શરૂઆત? છેલ્લા 24 કલાકમાં નોંધાયા 47,092 કેસ
આપને જણાવી દઇએ કે, આ ઘટના અમેરિકાનાં ફ્લોરિડાની છે. જે વ્યક્તિએ ટ્વિટર પર આ વીડિયો શેર કર્યો છે તેની ટ્વીટને ગૂગલનાં સીઈઓ સુંદર પિચાઈએ પણ રીટ્વીટ કરી છે. વીડિયોમાં, એક નાનું ડ્રોન ફ્લોરિડા તળાવમાં મગરનાં કિનારે ફરતું જોવા મળે છે. આ દરમિયાન, મગર તેના જડબાઓ ફેલાવીને ડ્રોન તરફ ધ્યાનથી જોઈ રહ્યો છે. ઘણા લોકો તળાવનાં કિનારે ઉભા છે, તેમનો અવાજ વીડિયોમાં સંભળાય છે. દરમિયાન, ડ્રોન મગરની નજીક આવતાની સાથે જ અચાનક મગર તેના પર ઉછળે છે અને તેને ચાવવા લાગે છે. પરંતુ થોડીક સેકંડ પછી, ડ્રોન તેના મોંઢાની અંદર જ સળગવાનું શરૂ થઇ જાય છે. આ સમય દરમિયાન મગરનાં મોંઢામાંથી ભારે ધુમાડો નીકળતો જોવા મળે છે. આ વીડિયોનાં કેપ્શનમાં જણાવાયું છે કે ડ્રોન ઓપરેટરો મગરનો નજીકથી શોટ લેવાનો પ્રયાસ કરી રહ્યા હતા અને વિચાર્યું કે ડ્રોન સેન્સર તેને મગરથી દૂર રાખશે.
આ પણ વાંચો – Interesting / આ વૃદ્ધ દિવસમાં 250 ગ્રામ પથ્થર ખાઇ જાય છે, જાણો કેવી રીતે પડી આ આદત
એવું કહેવામાં આવ્યું કે, મગરનું મોં ખોલ્યા બાદ એવું લાગતું હતું કે ડ્રોન સહેજ ઉચે જતુ રહેશે પરંતુ એવું ન થયું અને મગરે તેને પકડી લીધુ. આ વીડિયો કેલિફોર્નિયા સ્થિત ડ્રોન કંપનીનાં સ્થાપક ક્રિસ એન્ડરસને શેર કર્યો છે. તેણે લખ્યું કે, મગર ડ્રોનને હવામાં છંપ મારીને પકડી લે છે અને તુરંત જ તે તેના મોંઢામાં આગ પકડી લે છે. આ પછી સુંદર પિચાઈ દ્વારા તેને ફરી ટ્વિટ કરવામાં આવ્યું છે.
https://www.youtube.com/watch?v=gus5FMGtEok
