ફ્રાંસની મુખ્ય એનર્જી કંપની ટોટલ એનર્જી અદાણી ગ્રુપના ગ્રીન હાઇડ્રોજન વેન્ચરમાં 25 ટકા હિસ્સો હસ્તગત કરશે. એ માહિતી કંપનીએ મંગળવારે આ જાણકારી આપી.
આ બાબતે અદાણી ગ્રૂપે એક નિવેદનમાં જણાવ્યું હતું કે, “તેને વિશ્વની સૌથી મોટી ગ્રીન હાઇડ્રોજન ઈકોસિસ્ટમનું સંયુક્તપણે નિર્માણ કરવા માટે ફ્રેન્ચ ફર્મ સાથે નવી ભાગીદારી કરી છે. આ વ્યૂહાત્મક જોડાણમાં, ટોટલ એનર્જી અદાણી એન્ટરપ્રાઇઝ લિમિટેડ (AEL) પાસેથી અદાણી ન્યૂ ઇન્ડસ્ટ્રીઝ લિમિટેડ (ANIL)માં 25 ટકા લઘુમતી હિસ્સો હસ્તગત કરશે,”
નોંધનીય છે કે આ કરારની જાહેરાત બાદ અદાણી એન્ટરપ્રાઇઝના શેરમાં આજે ખરીદીનો ટ્રેન્ડ જોવા મળી રહ્યો છે. તેના શેર આજે 5 ટકાથી વધુના વધારા સાથે BSE પર રૂ. 2199ના ભાવે છે. આજે ઇન્ટ્રા-ડેમાં તેનો શેર રૂ.2212.95ની ઊંચી સપાટી અને રૂ.2053.00ની નીચી સપાટીને પહોંચ્યો હતો.
આ પણ વાંચો : યુક્રેનના જંગલમાંથી મળી બીજી સામૂહિક કબર : મૃતદેહ કાઢનાર પણ કાંપી ઉઠયા
