સમગ્ર વિશ્વમાં કોરોનાનાં મહામારી આજે પણ એક ચિંતાનો વિષય છે. દુનિયામાં આજે કોરોનાનાં કુલ 247,447,923 કેસ નોંધાયા છે. વળી 5,011,786 લોકોનાં મોત કોરોનાનાં કારણે થયા છે. જ્યારે 7.10 અબજથી વધુ લોકોનું રસીકરણ કરવામાં આવ્યું છે. જોન્સ હોપકિન્સ યુનિવર્સિટી દ્વારા આ આંકડા શેર કરવામાં આવ્યા છે. જો કે ભારત માટે સારા સમાચાર છે કે અહી કોરોનાનાં કેસમાં ઘટાડો જોવા મળી રહ્યો છે.
આ પણ વાંચો – Festival / લો બોલો! ધનતેરસ નિમિત્તે દેશભરમાં લોકોએ 75 હજાર કરોડનાં ખરીદ્યા સોનાનાં આભૂષણો
બુધવારે સવારે તેના નવીનતમ અપડેટમાં, યુનિવર્સિટીનાં સેન્ટર ફોર સિસ્ટમ્સ સાયન્સ એન્ડ એન્જિનિયરિંગ (CSSE) એ અહેવાલ આપ્યો કે વૈશ્વિક કેસ હાલમાં 247,447,923 છે, મૃત્યુઆંક 5,011,786 છે અને રસીકરણની કુલ સંખ્યા અનુક્રમે 7,106,345,390 છે. CSSE મુજબ, યુ.એસ. સૌથી વધુ અસરગ્રસ્ત દેશ છે જેમાં વિશ્વનાં સૌથી વધુ કેસ 46,140,509 અને 748,173 મૃત્યુ છે. આપને જણાવી દઇએ કે, છેલ્લા 24 કલાકમાં દેશમાં કોરોનાના 11 હજાર 903 નવા કેસ નોંધાયા છે, જે ગત દિવસ કરતા વધુ છે. જોકે, આ જમ્પ નજીવો છે. વળી, કોરોનામાંથી સાજા થવાનો દર 98.22 ટકાથી વધુ રહ્યો છે, જે એક સારો સંકેત છે. છેલ્લા એક દિવસમાં કોરોનાનાં 14 હજાર 159 દર્દીઓ સાજા થયા છે, જે બાદ હવે કોરોનામાંથી સાજા થનારા લોકોની સંખ્યા 3 કરોડ 36 લાખ 97 હજાર 740 પર પહોંચી ગઈ છે. જો કે, આ સમયગાળા દરમિયાન કોરોનાને કારણે 311 લોકોનાં મોત પણ થયા છે. દેશમાં કોરોનાનાં સક્રિય કેસ એક ટકાથી ઓછા રહ્યા છે. હાલમાં, તે 0.44 ટકા છે, જે માર્ચ 2020 માં રોગચાળાની શરૂઆત પછીનો સૌથી ઓછો આંકડો છે.
11,903 new #COVID19 cases, 14,159 recoveries and 311 deaths in the last 24 hours.
Total vaccination 1,07,29,66,315 (41,16,230 in last 24 hours). pic.twitter.com/tnWbrkAEB8
— ANI (@ANI) November 3, 2021
આ પણ વાંચો – ઉત્તર પ્રદેશ / અયોધ્યામાં દિવાળીની ઐતિહાસિક તૈયારીઓ, લાખો દીવાઓ પ્રગટાવી બનશે વર્લ્ડ રેકોર્ડ
હવે ભારતમાં કોરોનાનાં માત્ર 1 લાખ 51 હજાર 209 સક્રિય દર્દીઓ બચ્યા છે. છેલ્લા 252 દિવસમાં આ સૌથી નીચો આંકડો છે. વળી, સાપ્તાહિક પોઝિટિવિટી રેટ 1.18 ટકા છે અને તે છેલ્લા 40 દિવસથી 2 ટકાથી નીચે રહ્યો છે.
