દિલ્હીમાં કોરોના સંક્રમણના કેસ ઘટતા જ છૂટછાટ આપવાનું શરૂ થઈ ગયું છે, દિલ્હીમાં કેસ ઘટતાની સાથે જ બજારોમાં ફરી ભીડ જોવા મળી રહી છે. ત્યારે આવામાં કોરોના નિયમોને લઈને જાહેર સ્થળોએ બેદરકારી જોવા મળી રહી છે. આ સંદર્ભમાં, પૂર્વ દિલ્હી જિલ્લા વહીવટી તંત્રે કડક પગલા લીધા છે. પૂર્વ દિલ્હીમાં કોવિડના નિયમોનું પાલન નહીં કરવાને ધ્યાનમાં રાખીને દિલ્હીનું લક્ષ્મી નગર માર્કેટ બંધ કરાયું છે.
પૂર્વ દિલ્હીમાં કોવિડ પ્રોટોકોલનું પાલન ન કરવાને કારણે લક્ષ્મી નગર મેઇન માર્કેટ 5 જુલાઈ સુધી બંધ રહેશે. દિલ્હી ડિઝાસ્ટર મેનેજમેન્ટ ઓથોરિટી (ડીડીએમએ) ના આદેશો પર આ કાર્યવાહી કરવામાં આવી છે. પૂર્વ દિલ્હીના ડીએમ સોનિકા સિંહે તેના આદેશો જારી કર્યા છે. પ્રિત વિહારના એસડીએમના અહેવાલના આધારે આ કાર્યવાહી કરવામાં આવી છે, જેમાં એમ કહેવામાં આવ્યું છે કે લક્ષ્મી નગર મુખ્ય બજારમાં દુકાનદારો, હેન્ડકાર્ટ્સ અને લોકો બજારમાં કોવિડ યોગ્ય વર્તનનું પાલન કરી રહ્યા નથી.
આ પણ વાંચો :મંદિરા બેદીના પતિ રાજ કૌશલનું હાર્ટ એટેકથી નિધન
આ બજારો પણ બંધ રહેશે
વિકાસ માર્ગથી લવલી પબ્લિક સ્કૂલ સુધી વિસ્તરતા લક્ષ્મી નગર મેઇન માર્કેટમાં તેમજ કોરોના નિયમોનું પાલન ન થવાને કારણે અન્ય બજારોમાં કાર્યવાહી કરવામાં આવી છે. જેમાં લક્ષ્મી નગર મેઈન માર્કેટની આજુબાજુમાં મંગલ બજાર, વિજય ચોક, સુભાષ ચોક, જગતરામ પાર્ક અને ગુરુ રામદાસ નગરમાં પણ બંધ કરાઈ છે. આ બજારો 29 જૂનથી 5 જુલાઇ રાત્રે 10 વાગ્યા સુધી બંધ રહેશે.
આ પણ વાંચો :કોવિશિલ્ડ રસી લીધા પછી ન બની એન્ટિબોડી! વકીલે આદર પૂનાવાલા સહિત 7 સામે કોર્ટમાં કરી અરજી
દિલ્હીમાં કોરોના ચેપના કેસ ઘટતાની સાથે જ લોકડાઉન પણ હળવું થવા લાગ્યું છે. દિલ્હીમાં હવે અનલોક -5 લાગુ કરવામાં આવી છે. અહીં બજારોને સવારે 10 થી રાત્રીના 8 વાગ્યા સુધી ખોલવાની મંજૂરી આપવામાં આવી છે, પરંતુ તે જ સમયે એવું પણ કહેવામાં આવ્યું છે કે, દુકાનદારો પણ કોવિડ ઉપચિત વર્તનનું પાલન કરશે. પરંતુ લક્ષ્મી નગર માર્કેટમાં કોવિડ પ્રોટોકોલનું પાલન કરવામાં આવી રહ્યું ન હતું, તેથી તેને બંધ કરવાનો નિર્ણય લેવામાં આવ્યો છે.
આ પણ વાંચો :બ્રાઝિલે કોવેક્સિનની ડીલને કરી સસ્પેન્ડ, 324 મિલિયન ડોલરનો હતો કોન્ટ્રાક્ટ
આ પણ વાંચો :યુએઈ અને ઓમાનમાં યોજાશે ‘T-20 World Cup’, જાણો કઇ તારીખથી થશે શરૂ
