કેન્દ્રીય કૃષિ કાયદાના વિરોધમાં દિલ્હીમાં ચાલી રહેલા ખેડૂત આંદોલનની ચર્ચા કેનેડા, બ્રિટન અને સંયુક્ત રાષ્ટ્રમાં પણ થવા લાગી છે. વિદેશી નેતાઓની દખલને કિશન આંદોલનને સ્થાનિક મુદ્દો ગણાવીને દખલ ન કરવાની ભારત સરકારની મહેચ્છા હોવા છતાં, કેનેડિયન વડાપ્રધાને પહેલા પોતાના સુર પુરાવ્યા હતા. ત્યારબાદ યુકેના કેટલાક ધારાસભ્યો અને હવે યુએન સેક્રેટરી જનરલ એન્ટોનિયો ગુટારેસના પ્રવક્તાએ જણાવ્યું હતું કે, શાંતિથી વિરોધ કરવાનો ખેડૂતોને અધિકાર છે અને તેમ કરવા દો.

ભારતના વિદેશ મંત્રાલયે સ્પષ્ટ કર્યું છે કે, ખેડૂતોનો મુદ્દો દેશનો આંતરિક મામલો છે અને કેટલાક વિદેશી નેતાઓ વિના સમજ્યા અને વિચાર્યે બિનજરૂરી નિવેદનો આપી રહ્યા છે. લોકશાહી દેશની આંતરિક બાબતોમાં તે હસ્તક્ષેપ છે. ભારતે કેનેડાને નિખાલસપણે કહ્યું છે કે જો તેના નેતાઓ આવું જ ચાલુ રાખે તો બંને દેશો વચ્ચેના સંબંધો બગડશે. જો કે, કેનેડિયન વડા પ્રધાન જસ્ટિન ટ્રુડોએ ભારતની ચેતવણીને નજરઅંદાજ કરતા દેશના શાંતિપૂર્ણ પ્રદર્શનના અધિકારને ટેકો આપવાનું ચાલુ રાખતા તેમના નિવેદનની પુનરાવર્તન કર્યું.

ઉન ના મહાસચિવના પ્રવક્તા ડુજરીકે  કહ્યું “જ્યાં સુધી ભારતની વાત છે ત્યાં સુધી હું તમને અન્ય લોકોને એવા મુદ્દાઓ ઉભા કરવા વિશે કહ્યું છે કે  લોકોને  શાંતિપૂર્ણ પ્રદર્શન કરવાનો અધિકાર  છે અને અધિકારીઓ તેમને આમ કરતા રોકી શકે નહી.

અગાઉ કેનેડાના વડા પ્રધાન અને કેટલાક મંત્રીઓએ ખેડૂતોની કામગીરી અંગે નિવેદનો આપ્યા હતા. ભારત દ્વારા વાંધા દર્શાવ્યા બાદ પણ આ સતત કરવામાં આવી રહ્યું છે. વિદેશ મંત્રાલયે કેનેડાના હાઈ કમિશનરને શુક્રવારે બોલાવ્યા હતા અને કહ્યું હતું કે કેનેડિયન વડા પ્રધાન દ્વારા કેટલાક ખેડૂત મંત્રી અને સાંસદો દ્વારા ભારતીય ખેડુતો પર કરવામાં આવેલી ટીપ્પણી  એ આપણા આંતરિક બાબતોમાં અસ્વીકાર્ય દખલ છે. ‘ વિદેશ મંત્રાલયે એમ પણ કહ્યું હતું કે જો આ ચાલુ રહેશે તો તેના ભારત અને કેનેડા વચ્ચેના સંબંધો પર ગંભીર પરિણામો આવશે. અમારા નિવેદનો અને કોન્સ્યુલેટની સામે કેનેડામાં આ નિવેદનોથી ઉગ્રવાદી પ્રવૃત્તિઓ વધી છે, જેનાથી સુરક્ષાની ચિંતા વધી છે.

દરમિયાન, યુકેના કેટલાક સાંસદોએ વડા પ્રધાન નરેન્દ્ર મોદી સાથે આ બિલ પર ચર્ચા કરવાની વાત કરી છે. આપને જણાવી દઈએ કે ભારતીય મૂળના અને પંજાબ સાથે જોડાયેલા 36 સાંસદોએ કૃષિ બીલો અંગે પીએમ મોદી સમક્ષ વાત ચિત કરવા કહ્યું છે.  તેમણે ખેડૂત આંદોલન સાથે મોદીની ચર્ચા કરવા વિદેશ સચિવ ડોમિનિક રબને પત્ર લખ્યો છે. લેબર સાંસદ તન્મનજીત સિંહ ઢેસીના સંકલનથી પત્રમાં રાબ સાથે તાત્કાલિક બેઠકની હાકલ કરવામાં આવી છે.

મંતવ્ય ન્યૂઝ દ્વારા જાહેર અપીલ –

દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…