Gujarat News : હવે વાત હથિયારના એક એવા સોદાગરની કે જે છેલ્લા 10-10 વર્ષથી વોન્ટેડ હતો. ગુજરાતના અલગ અલગ ખુણાઓમાં હથિયારો સપ્લાય કરીને તે ફરાર થઇ જતો હતો. જો કે રાજકોટ પોલીસે મધ્યપ્રદેશથી હથિયારના આ સોદાગરની ધરપકડ કરી છે. કોણ છે આ શખ્સ અને અત્યાર સુધીમાં કેટલા હથિયારોની કરી હતી સપ્લાઈ?પોલીસના સકંજામાં રહેલા આ શખ્સને જુઓ આ છે હથિયારોનો સોદાગર આ શખ્સનું નામ પ્રીતમસિંગ નીમસિંગ ભાટીયા છે.
૨૦૧૫માં માલવિયાનગર પોલીસ સ્ટેશન વિસ્તારમાં હત્યાનો એક ગુનો નોંધાયો હતો જેમાં આ શખ્સનું હથિયારના સપ્લાયર તરીકે નામ સામે આવ્યું હતું. જો કે છેલ્લા ૧૦ વર્ષથી આ શખ્સ પોલીસ પકડથી દૂર હતો. દરમિયાન રાજકોટ ક્રાઇમ બ્રાન્ચને માહિતી મળી હતી કે આ શખ્સ મધ્યપ્રદેશના બડવાણી જિલ્લામાં હાલમાં છે જેના આધારે રાજકોટ ક્રાઇમ બ્રાન્ચની એક ટીમ મધ્યપ્રદેશ પહોંચી હતી અને આ શખ્સને પકડી પાડવામાં આવ્યો હતો.
રાજકોટ શહેર ઉપરાંત આ શખ્સ ગુજરાત એટીએસના ચોપડે ૧૦ જેટલા ગુનાઓમાં હથિયાર સપ્લાય કરવાના ગુનામાં પોલીસ ચોપડે વોન્ટેડ હતો. પોલીસના કહેવા પ્રમાણે રાજકોટના તાલુકા પોલીસ સ્ટેશન વિસ્તાર, માલવિયાનગર પોલીસ સ્ટેશન વિસ્તાર,જુનાગઢ શહેરના સી ડિવીઝન, એ ડિવીઝન, જુનાગઢ તાલુકા પોલીસ સ્ટેશન અને વંથલી પોલીસ સ્ટેશનમાં આ શખ્સ વિરુદ્ધ આર્મ એક્ટ અંતર્ગત હથિયારો સપ્લાઇ કરવાનો ગુનો નોંધાયેલો છે.
છેલ્લા ઘણાં વર્ષોથી આ શખ્સ મધ્યપ્રદેશ જ રહેતો હતો. આ શખ્સ મધ્યપ્રદેશથી અહીં હથિયારો લઇને આવતો હતો અને હથિયારનું વેચાણ કરીને ફરી તે મધ્યપ્રદેશ ફરાર થઇ જતો હતો. જે હથિયારો આ શખ્સે સપ્લાય કર્યા છે તેનો ગેરકાયદેસર પ્રવૃતિમાં ઉપયોગ કરાયો હોવાનો ખુલાસો થયો છે. હાલ પોલીસે આ શખ્સને પકડી પાડ્યો છે. આ શખ્સે અત્યાર સુધીમાં કેટલા હથિયારોની સપ્લાઇ કરી છે. આ શખ્સ સાથે અન્ય કોણ કોણ સંડોવાયેલું છે. આટલા વર્ષોથી ફરાર હતો ત્યારે તેને કોઇ ગુનાહિત પ્રવૃતિને અંજામ આપ્યો છે કે કેમ સહિતના મુદ્દે તપાસ શરૂ કરી છે.
આ પણ વાંચો:સરખેજ નજીક ગેરકાયદે ચાલતા હુક્કાબાર પર પોલીસનો દરોડો
આ પણ વાંચો:અમદાવાદમાં બિગ ડેડી હુક્કાબારમાં PCBના દરોડા
આ પણ વાંચો:સિંધુભવન રોડ પર ગેરકાયદે ચાલતા હુક્કાબાર પર પોલીસનો દરોડો
