Jammu and Kashmir News: સાંબા શંકાસ્પદ કબૂતર (pigeon)ની ઘટનાથી જમ્મુ-કાશ્મીરના સાંબા જિલ્લામાં સુરક્ષા એજન્સીઓમાં હલચલ મચી છે. પ્રાથમિક માહિતી મુજબ કબૂતરના પગમાં વીંટી, ઉર્દૂમાં લખેલી ચિઠ્ઠી અને પાકિસ્તાની ચલણી નોટો મળી આવી છે. આ ઘટના બાદ વિસ્તારમાં સુરક્ષા વધારી દેવાઈ છે. જોકે, આ વસ્તુઓ અંગેની પ્રાથમિક માહિતીની સત્તાવાર પુષ્ટિ થવાની બાકી છે.
શંકાસ્પદ pigeon ક્યાંથી મળ્યું?
મળતી માહિતી મુજબ સાંબા જિલ્લાના સરહદી ગામ માવામાં કાળી માતા મંદિર નજીક આ કબૂતર મળ્યું હતું. તેના પગમાં કોડ નંબરવાળી વીંટી (coded ring) હતી. સ્થાનિકોએ આ શંકાસ્પદ કબૂતર જોયા બાદ તરત પોલીસને જાણ કરી હતી.
તપાસ દરમિયાન કબૂતર પાસેથી પાકિસ્તાની ચલણી નોટો (Pakistani currency notes) અને ઉર્દૂ ભાષામાં હાથથી લખેલી એક ચિઠ્ઠી (Urdu note) મળી હોવાની માહિતી સામે આવી છે. સ્થાનિક લોકોએ કબૂતરને પકડીને સંબંધિત એજન્સી અને પોલીસને સોંપ્યું હતું.
તપાસમાં સુરક્ષા એજન્સીઓ
આ મામલાની જાણ સ્થાનિક પોલીસ અને ગુપ્તચર એજન્સીઓ (intelligence agencies)ને કરવામાં આવી છે. આ ઘટનાની ગંભીરતાને ધ્યાનમાં રાખી એજન્સીઓએ તપાસ શરૂ કરી છે.
સુરક્ષા એજન્સીઓએ તપાસ હાથ ધરવાની તૈયારી કરી છે. કબૂતર ક્યાંથી આવ્યું, ચિઠ્ઠીનો અર્થ શું છે અને પાકિસ્તાની નોટો સાથે હોવા પાછળનો હેતુ શું હતો, તે જાણવાનો પ્રયાસ થશે. વીંટી પરના કોડનો અર્થ શું છે તે પણ તપાસાશે. હજુ સુધી કબૂતર ક્યાંથી આવ્યું, ચિઠ્ઠીમાં શું લખ્યું છે અને કોડનો અર્થ શું છે, તે અંગે કોઈ સત્તાવાર માહિતી સામે આવી નથી.
શંકાસ્પદ કબૂતર પહેલાંની ઘટનાઓ
છેલ્લા કેટલાક અઠવાડિયાથી સરહદ નજીક પાકિસ્તાન સાથે જોડાયેલી ઓળખ ધરાવતા ફુગ્ગા અને કબૂતર મળવાની ઘટનાઓ સામે આવી રહી છે. આ બાબત ચિંતાનો વિષય બની રહી છે. તાજેતરમાં જમ્મુના ખૌર વિસ્તારના પલનવાલામાં વિમાન જેવા આકારનો શંકાસ્પદ ફુગ્ગો મળ્યો હતો. તેના પર પાકિસ્તાની એરલાઇન PIAનાં નિશાન હોવાનું સામે આવ્યું હતું.
આ પણ વાંચો: ઓડિશાના દરિયાકાંઠે પગમાં ફીટ કરાયેલા ઉપકરણો સાથે શંકાસ્પદ જાસૂસી કબૂતર ઝડપાયું
આ પણ વાંચો: પ્રાણીઓ પણ હોય છે જાસૂસ, બિલાડી, ઉંદર, વ્હેલ કે પછી કબૂતર, શ્રેષ્ઠ કોણ?
આ પણ વાંચો: મહેસાણા કબૂતરબાજીમાં 62 લાખનો ચૂનો, પોલીસ કર્મચારીની પત્ની સાથે જ છેતરપિંડી
