લોકસભામાં કારમી હાર બાદ રાહુલ ગાંધી આજે પહેલીવાર ખુલીને માધ્યમો સાથે વાત કરી હતી. રાહુલ ગાંધીએ સંસદની બહાર પત્રકારોને જણાવ્યું હતું કે “મારું સ્ટેન્ડ હજુ પણ તેજ છે કે રાફેલ સોદામાં ચોરી થઈ છે.” રાફેલ મામલે પુછવામા આવેલા સવાલ પર કોંગ્રેસ અધ્યક્ષ દ્રારા સ્પષ્ટતા કરવામાં આવી કે રાફેલ સોદામાં ગોટાળો થયો જ છે અને હું મારી આ વાત પર મક્કમ છું કે ચોરી થઇ છે. સંસદના બે ગૃહોની સંયુક્ત બેઠકમાં રાષ્ટ્રપતિના અભિભાષણમાં રાફેલ સોદાનો ઉલ્લેખ કરતા રાહુલ દ્રારા આજ વલણ સંસદ ગૃહમાં પણ જાળવી રાખવામા આવ્યું હતું.
કોંગ્રેસ પ્રમુખ રાહુલ ગાંધીએ, તેમના આગામી પ્લાન વિશે વાત કરતા જણાવ્યું કે કોંગ્રેસ પાર્ટી જ તેમના અનુગામી વિશે ફાઇનલ નિર્ણય કરશે. જ્યારે રાહુલ ગાંધીને કોંગ્રેસનાં નવા અધ્યક્ષ વિશે પુછવામાં આવ્યું ત્યારે રાહુલે સ્પષ્ટ કર્યું કે તે નવા કોંગ્રેસ અધ્યક્ષની પસંદી નહીં કરે. તેમના અનુગામી વિશે કોંગ્રેસ દ્રારા જ નિર્ણય લેવામા આવશે.
લોકસભા 2019ની ચૂંટણીમાં મળેલી હાર બાદ રાહુલે કોંગ્રેસ પ્રમુખનાં પદ્દથી રાજીનામું આપવાનો નિર્ણય કર્યો હતો. તે પોતાનાં આ પગલા બાબતે મક્કમ છે. જો કે કોંગ્રેસની સર્વોચ્ચ નિર્ણયકર્તા સમિતિ CWCએ રાહુલનાં રાજીનામાનો અસ્વીકાર કરી તેમને કોંગ્રેસમાં પાયાથી ફેરફેરો સાથે પુન: ગઠન કરવા અનુરોધ કર્યો હતો. જો કે હાલ અશોક ગેહલોતનું નામ કોંગ્રેસનાં નવા અધ્યક્ષ તરીકે પૂર્ણતહ ચર્ચામાં છે અને લગભગ ફાઇનલ માનવામા આવી રહ્યું છે. ત્યારે કોંગ્રેસ દ્રારા ઓફિસીયલ ડિક્લેરેશન ક્યારે કરવામા આવે તેની જ રાહ જોવામાં આવી રહી છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
