દિલ્હીના શાહીન બાગની તર્જ પર, સુધારેલા નાગરિકતા અધિનિયમ (સીએએ) વિરુદ્ધ મહિલાઓનો વિરોધ મુંબઈમાં શરૂ થઈ ગયો છે. આ મહિલાઓ માંડનપુરની શેરીમાં બેસીને માંગ કરી રહી છે કે, જ્યાં સુધી કેન્દ્ર સરકાર સીએએ પાછો નહીં ખેંચે ત્યાં સુધી તેઓ વિરોધ પ્રદર્શનમાંથી પાછી નહીં હટે. આપને જણાવી દઇએ કે, મુંબઇની માંડનપુરની શેરીમાં 60-70 લોકોનાં જૂથે રવિવારની સાંજથી આ વિરોધ કામગીરી શરુ કરી હતી.
વિરોધ પ્રદર્શન કરનાર મહિલામાંથી એક કાયદાની વિદ્યાર્થી ફાતિમા ખાને કહ્યું કે, સરકાર જે ઇચ્છે છે તે કરી રહી છે. સરકારે કાયદાના વિરોધમાં હતા ત્યારે ભીમ આર્મી ચીફ ચંદ્રશેખર આઝાદની ધરપકડ કરી હતી. ફાતિમાએ વધુમાં કહ્યું કે, ‘મહિલાઓને ઉત્તર પ્રદેશમાં વિરોધ કરવાથી રોકી રહ્યા છે. આ સંપૂર્ણ ગેરબંધારણીય છે. ‘ તેમણે કહ્યું કે જ્યાં સુધી કાયદો પાછો ખેંચાય નહીં અથવા સુપ્રીમ કોર્ટ કોઈ યોગ્ય આદેશ નહીં આપે ત્યાં સુધી અમે રોકાશું નહીં.
આપને જણાવી દઇએ કે, દિલ્હીના શાહીન બાગ ખાતે સીએએ વિરુદ્ધ એક મહિનાથી વધુ સમયથી મહિલાઓનું વિરોધ પ્રદર્શન ચાલુ છે. ખાને કહ્યું કે તેમની અન્ય માંગોમાં એનઆરસી અને રાષ્ટ્રીય વસ્તી રજિસ્ટર (એનપીઆર) ને નકારી કાઢવા માટે રાજ્ય સરકારનું સ્પષ્ટ વલણ શામેલ છે.
ફાતિમા ખાને કહ્યું, “અમે સોશિયલ મીડિયા દ્વારા વધુ લોકો સુધી પહોંચી રહ્યા છીએ અને મહિલાઓને વિરોધ પ્રદર્શનમાં જોડાવા માટે કહી રહ્યા છીએ.” વિરોધી કરનાર મહિલાઓના હાથમાં પ્લેકાર્ડ્સ છે, જેમાં સૂત્રોચ્ચાર કરવામાં આવ્યા છે કે અમે સીએએ, એનઆરસી અને એનપીઆરની વિરુદ્ધ છીએ. અન્ય ઘણા સૂત્રો લખાઈ ગયા છે જેમ કે – તેઓ આપણને વિભાજીત કરવાનો પ્રયાસ કરી રહ્યા છે. આ સિવાય વિરોધ કરનારા હિન્દુ-મુસ્લિમ એકતાના નારા પણ લગાવી રહ્યા છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
