કોંગ્રેસના સાંસદ શશી થરૂરે સર્બિયામાં આંતર-સંસદીય સંઘ (આઈપીયુ) ની બેઠકમાં કાશ્મીર મુદ્દાને ઉઠાવવા માટે પાકિસ્તાનને તિખાસ બતાવતા કહ્યું હતું કે, આ વિડંબના છે કે પાકિસ્તાન, કે જે જમ્મુ-કાશ્મીરમાં અસંખ્ય આતંકવાદી હુમલા માટે જવાબદાર દેશ છે અને આવા દૂષિત પ્રયાસો કરી સતત રહ્યું છે.

લોકસભા અધ્યક્ષ ઓમ બિરલાના નેતૃત્વમાં ભારતીય પ્રતિનિધિ મંડળના ભાગ રહેલા થરૂરે બુધવારે કહ્યું હતું કે ભારતની સંસદ આવા દૂષિત પ્રયાસોને સફળ થવા દેશે નહીં. આંતર સંસદીય સંઘની 141 મી સંમેલન બેઠકમાં ભારતીય સંસદીય પ્રતિનિધિ મંડળે પાકિસ્તાનના પાયાવિહોણા આરોપોને નકારી દીધા હતા.

ભારતીય સંસદીય પ્રતિનિધિમંડળ વતી થરૂરે કહ્યું હતું કે, “પાકિસ્તાને સાંકડા રાજકીય લાભ માટે જે મુદ્દો ઉઠાવ્યો છે તે ભારતનો આંતરિક મામલો છે અને આ ચર્ચાનો ભાગ ન હોય શકે. ભારતીય પ્રતિનિધિમંડળ તેને સંપૂર્ણપણે નકારી કાઢે છે અને આના જેવા મુદ્દાઓ ઉછેરવાની સખત નિંદા કરે છે

થરૂરે કહ્યું, “હું ભારતની મુખ્ય વિપક્ષી પાર્ટીનો સંસદ સભ્ય છું. અમે અમારા દેશમાં સંસદના સભ્ય તરીકે સંસદીય મંચનો ઉપયોગ જમ્મુ-કાશ્મીર અને અન્ય મુદ્દાઓ વિશે અમારી સરકાર સાથે ચર્ચા અને વિચારણા કરવા માટે કરીએ છીએ. અમારે અનિચ્છનીય આંતરરાષ્ટ્રીય હસ્તક્ષેપની દખલની જરૂર નથી અને ન તો સમર્થની જરૂર છે.”

તેમણે કહ્યું,“ જમ્મુ અને કાશ્મીર ભારતનો એક અભિન્ન અંગ છે. આ વિડંબના જ છે કે જમ્મુ-કાશ્મીરમાં અગણિત સરહદ આતંકવાદી હુમલા કરવા માટે જવાબદાર દેશ કશ્મીરીઓના મસીહા હોવાનો ઢોંગ કરી રહ્યો છે. પરંતુ તેવું નથી. ભારતની સંસદ આવા દૂષિત પ્રયાસોને સફળ થવા દેશે નહીં. અમને આશા છે કે સાંસદો એકબીજાને દોષી ઠેરવવાની આ વૃત્તિથી ઉપર કામ કરશે.”

બીજા સત્રમાં પણ કોંગ્રેસના સાંસદ થરૂરે પાકિસ્તાની પક્ષની દલીલોનો સખ્ત વિરોધ નોંધાવ્યો હતો અને કહ્યું હતું કે, “અધ્યક્ષ શ્રી, હું જે વિષય માટે અહીં આવ્યો છું તેનાં પર આવતા પહેલા, હું પેનલનાં એક સભ્ય દ્વારા અપાયેલા ઝેરીલા ભાષણનો વિરોધ કરવા માંગુ છું. તેમણે તેમના દેશ દ્વારા સાંકડા રાજકીય હેતુઓ અને તુચ્છ પ્રાદેશિક મહત્વાકાંક્ષા માટે પ્રચાર કરવામાં આવતા ખોટા પ્રવચનોનું પુન:ઉત્પાદન કર્યું છે અને તથ્યોની ખોટી રજૂઆત કરી છે. આ કૃત્યને કારણે આ પ્લેટફોર્મનો નિરાશાજનક દુરૂપયોગ થયો છે.

થરૂરે કહ્યું, “પાકિસ્તાને અહીં ભારતના આંતરિક મામલાને ઉઠાવેલો છે.” સંસદના વિપક્ષી સભ્ય તરીકે મેં મારી સરકાર સમક્ષ કાશ્મીર અને અન્ય પ્રશ્નો પુછ્યા હતા અને સંસદ સભ્ય તરીકે હું મારા લોકશાહી અધિકારનો ઉપયોગ કરતી વખતે આ મુદ્દાઓને આગળ વધારતો રહીશ પરંતુ પાકિસ્તાની રાજદ્વારીએ આજે ​​આપેલ નિવેદન સંપૂર્ણ અર્થહીન છે. ”

આતંકવાદીઓને પાકિસ્તાનના રક્ષણનો ઉલ્લેખ કરતા તેમણે કહ્યું કે, “આ ખૂબ જ વ્યંગાત્મક બાબત છે કે જમ્મુ-કાશ્મીરમાં અનેક આંતરરાષ્ટ્રીય આતંકવાદી હુમલા કરાવનારા આંતરરાષ્ટ્રીય કાયદાના સમર્થક હોવાનો ઢોંગ કરી રહ્યા છે.” પાકિસ્તાન સરકાર વિશ્વની એકમાત્ર સરકાર છે, જે અલ કાયદા અને આઇએસ સાથે જોડાયેલા પ્રતિબંધિત સૂચિમાં સૂચિબદ્ધ અને સંયુક્ત રાષ્ટ્ર દ્વારા સૂચિબદ્ધ વ્યક્તિને પેન્શન પ્રદાન કરે છે. સંયુક્ત રાષ્ટ્ર દ્વારા ઘોષિત કરાયેલા 130 આતંકવાદી અને 25 આતંકવાદી સંગઠનો પાકિસ્તાનમાં સક્રિય છે.

આજે જ્યારે આતંકવાદ માનવાધિકારનો સૌથી મોટો દુશ્મન છે, ત્યારે આવા દેશના પ્રતિનિધિ દ્વારા માનવાધિકાર માટે આદર આપવાની વાત કરવી ખરેખર વક્રોક્તિ છે. હું આઈપીયુ પ્લેટફોર્મ પરથી આ પ્રકારના નિંદાત્મક દોષની જગ્યાએ વધુ સારા કાર્યની આશા રાખું છું. આંતરરાષ્ટ્રીય કાયદાના આદર જેવા ગંભીર મુદ્દાઓ પર રચનાત્મક મુદ્દાઓની ચર્ચા કરવા અમે અહીં ભેગા થયા છે. ”

કોંગ્રેસ નેતાએ કહ્યું,“ પાકિસ્તાને જમ્મુ-કાશ્મીર અંગે સંયુક્ત રાષ્ટ્રની સુરક્ષા પરિષદના ઠરાવનો સંદર્ભ આપ્યો છે, પરંતુ તે ભૂલી ગયો કે તેણે જમ્મુ-કાશ્મીરને ગેરકાયદેસર રીતે મુક્ત કરવા સુરક્ષા પરિષદના આ ઠરાવની જોગવાઈઓ પૂરી પાડી ઉલ્લંઘન કર્યું છે. પાકિસ્તાને 1972 ના સિમલા કરાર અને ફેબ્રુઆરી 1999 ના લાહોર ઘોષણા અંતર્ગત આંતરરાષ્ટ્રીય કાયદા અંગેની અન્ય પ્રતિબદ્ધતાઓને પણ સંપૂર્ણપણે અવગણ્યું છે. ”

તેમણે કહ્યું, “અધ્યક્ષ શ્રી , કાચનાં ઘરોમાં રહેતા લોકો અન્યોનાં ઘરો પર પત્થર ફેંકતા નથી. હું માનનીય પ્રતિનિધિઓને જણાવવા માંગું છું કે ભારતના બંધારણ દ્વારા આંતરરાષ્ટ્રીય કાનૂની જવાબદારીઓને અસામાન્ય રીતે મહત્વ આપવામાં આવ્યું છે. અમારા બંધારણમાં આર્ટિકલ 51 ની જોગવાઈ અને આંતરરાષ્ટ્રીય કાયદા અને સંગઠિત સમૂહ જૂથો વચ્ચેની સંધિઓ પ્રત્યેની ભાવના ઉત્પન્ન કરવાની જોગવાઈ છે. ”નોંધનીય છે કે, સર્બિયાના 13 થી 17 ઓક્ટોબરના બેલગ્રાડમાં આઈપીયુની 141 મી બેઠક સુધી યોજવામાં આવી રહી છે