Mehsana News: નવા વર્ષના પ્રથમ દિવસે મહેસાણામાં પડોશીઓ વચ્ચે મારામારી અને ગોળીબાર થયો હતો. જેમાં સુધાબેન રાણા નામની 66 વર્ષીય વ્યક્તિનું મોત થયું છે. જ્યારે અન્ય બે લોકો ઘાયલ થયા છે. બી ડીવીઝન પીઆઈ અને ડીવાયએસપી ઘટના સ્થળે પહોંચી તપાસ હાથ ધરી છે. આ મામલે બંને પાડોશીઓએ ફરિયાદ નોંધાવી છે. મહેસાણામાં બનેલી આ ઘટના અંગે મહેસાણા ડીવાયએસપી મિલાપ પટેલે મીડિયાને જણાવ્યું હતું કે, મહેસાણામાં બી ડિવિઝન પોલીસ સ્ટેશન પાછળ અને વાઈડ એંગલ થિયેટર પાછળ સોસાયટીમાં બે પાડોશીઓ વચ્ચે ઘણા સમયથી વિવાદ ચાલી રહ્યો હતો.
જે દરમિયાન ફટાકડા ફોડવા બાબતે ઝઘડો થયો હતો. જે બાદ મારામારી થઈ હતી. આરોપી ભગીરથ રાણાની ઉંમર 69 વર્ષ છે. જે ગઈકાલે ફટાકડા ફોડી રહ્યો હતો. આ સાથે ડીવાયએસપીએ જણાવ્યું છે કે નાયકના પરિવારે વૃદ્ધ દ્વારા ફટાકડા ફોડવાનો વિરોધ કર્યો હતો. આરોપીએ પોતાની પાસે રહેલી લાયસન્સવાળી રાઈફલ અને ગેરકાયદેસર હથિયારમાંથી લગભગ 6 રાઉન્ડ ફાયરિંગ કર્યું હતું.
પ્રકાશ મહાપર્વ દિવાળી અને નવા વર્ષની ધામધૂમથી ઉજવણી કરવામાં આવી હતી. પરંતુ મહેસાણામાં ખુશીનો આ તહેવાર દુ:ખમાં ફેરવાઈ ગયો. નવા વર્ષની પૂર્વ સંધ્યાએ ફટાકડા ફોડવાને લઈને પડોશીઓમાં હોબાળો થયો હતો. આ નજીવી બાબતે થયેલી બોલાચાલીમાં પાંચ રાઉન્ડ ગોળીબાર કરવામાં આવ્યો હતો. જેમાં ગોળી ચલાવનાર વ્યક્તિની પત્નીને માથામાં ગંભીર ઈજા થતાં ઘટનાસ્થળે જ મોત નીપજ્યું હતું. જ્યારે બે લોકો ઘાયલ થયા હતા. પોલીસ અધિકારીઓ ઘટનાસ્થળે પહોંચીને મામલાની તપાસ કરી રહ્યા છે.
મહેસાણાના અભિનવ બંગ્લોઝમાં નવા વર્ષની પૂર્વ સંધ્યાએ ફટાકડા ફોડવાને લઈને બે પાડોશીઓ વચ્ચે ઝઘડો થયો હતો. આ લડાઈમાં પાંચ રાઉન્ડ ફાયરિંગ થયું હતું. સૌ પ્રથમ તો આ પાડોશીઓ વચ્ચે બોલાચાલી થઈ હતી જેમાં ફટાકડા ફોડી રહેલા ભગીરથસિંહનો પાડોશમાં રહેતા નાયક બંકેશના પરિવારે વિરોધ કર્યો હતો. દરમિયાન મારામારી પણ થઈ હતી. ત્યારબાદ ભગીરથસિંહ રાણાએ પાંચ-છ રાઉન્ડ ફાયરિંગ કર્યું હતું. જેમાંથી બે ગોળી નાયકના પરિવારના બે સભ્યોને વાગી હતી અને તેઓ ઘાયલ થયા હતા. આ ઝપાઝપીમાં ભગીરથસિંહની 66 વર્ષીય પત્ની સુધાબેનને ધક્કો માર્યો હતો. માથામાં ગંભીર ઈજાને કારણે તેણીનું ઘટનાસ્થળે જ મોત નીપજ્યું હતું.
આ પણ વાંચોઃવડોદરામાં આડેધડ ફટાકડા ફોડી વિસ્તારને બાનમાં લીધો
આ પણ વાંચોઃઆણંદમાં જાહેરમાં પ્રતિબંધિત ફટાકડા ફોડતા ફાયરકર્મીઓનો વીડિયો વાયરલ
આ પણ વાંચોઃદિવાળીમાં ફટાકડા ફોડવા મામલે બબાલ થતા ત્રણ લોકોની હત્યા
