US News: દક્ષિણ અમેરિકામાં મંગળવારે પેરુના પ્રખ્યાત પર્યટન સ્થળ માચુ પિચ્ચુ તરફ જતી રેલ્વે લાઇન પર બે પ્રવાસી ટ્રેનો સામસામે અથડાતાં અકસ્માત(Accident) સર્જાયો, જેમાં એક ટ્રેન ડ્રાઈવરનું મોત અને 40 થી વધુ મુસાફરો ઘાયલ થયા. આ અકસ્માત(Accident) ઓલન્ટાયટામ્બો અને અગુઆસ કેલિએન્ટેસ (Machu Picchu Pueblo) વચ્ચેના પમ્પાકાહુઆ સેક્ટરમાં થયો હતો.
કઈ રીતે સર્જાયો અકસ્માત (Accident)
પોલીસના જણાવ્યા અનુસાર, મૃતકની ઓળખ ઈન્કા રેલ ડ્રાઈવર રોબર્ટો કાર્ડેનાસ લોએઝા તરીકે થઈ છે. ઘાયલોમાં અમેરિકન નાગરિકો સહિત ઘણા વિદેશી પ્રવાસીઓનો સમાવેશ થાય છે. એક આરોગ્ય અધિકારીએ જણાવ્યું હતું કે ઘાયલોમાંથી આશરે 20 ની હાલત ગંભીર છે. યુએસ એમ્બેસીએ પણ પુષ્ટિ કરી છે કે અકસ્માત (Accident) માં અમેરિકન નાગરિકો ઘાયલ થયા છે.
આ અકસ્માત (Accident) માં સામેલ ટ્રેનો ઇન્કા રેલ એસ.એ. અને પેરુ રેલ્વે એસ.એ. દ્વારા સંચાલિત હતી, જે મુખ્યત્વે પ્રવાસીઓને માચુ પિચ્ચુ લઈ જાય છે. આ ટક્કર બપોરે 1:20 વાગ્યે થઈ હતી, જેમાં એક ટ્રેન માચુ પિચ્ચુથી આવી રહી હતી અને બીજી રવાના થઈ રહી હતી. સોશિયલ મીડિયા પર ફરતા ફોટા અને વિડિયોમાં ક્ષતિગ્રસ્ત લોકોમોટિવ એકબીજાની સામે, તૂટેલા કાચ બધે વિખરાયેલા અને ઘાયલોને પાટા પર સારવાર આપવામાં આવી રહી છે તે જોવા મળે છે.
પેરુ રેલ્વે અકસ્માત (Accident) બાદ બધી રેલ સેવાઓ અનિશ્ચિત સમય માટે સ્થગિત કરી દીધી છે. પોલીસ અને ફરિયાદીઓ તપાસ કરી રહ્યા છે કે એક જ ટ્રેક પર ટક્કર કેવી રીતે થઈ – કદાચ સિગ્નલિંગ નિષ્ફળતા અથવા માનવ ભૂલ ગણવામાં આવી રહી છે.
શું છે માચુ પિચ્ચુ?
માચુ પિચ્ચુ વિશ્વની સાત અજાયબીઓમાંની એક છે અને દર વર્ષે 1.5 મિલિયનથી વધુ પ્રવાસીઓને આકર્ષે છે, જેમાંથી મોટાભાગના ટ્રેન દ્વારા આવે છે. આ અકસ્માત પ્રવાસન મોસમની ટોચ પર થયો હતો, જેના કારણે સેંકડો પ્રવાસીઓ ફસાયા હતા.
આ પણ વાંચો:પૂર્ણિયામાં ભયાનક અકસ્માત, વંદે ભારત ટ્રેનની ટક્કરથી ચાર લોકોના મોત
