Ind vs SL 2nd T20 : પુણેના મહારાષ્ટ્ર ક્રિકેટ એસોસિએશન સ્ટેડિયમમાં રમાયેલી બીજી મેચમાં શ્રીલંકાએ ભારતને 16 રને હરાવ્યું. આ જીત સાથે શ્રીલંકાએ શ્રેણીમાં 1-1થી બરાબરી કરી લીધી છે. ભારતે પ્રથમ મેચ બે રને જીતી હતી. ગુરુવારે રમાયેલી બીજી મેચમાં પ્રથમ બેટિંગ કરતા શ્રીલંકાએ કેપ્ટન દાસુન શનાકા અને કુસલ મેન્ડિસની તોફાની અડધી સદીની મદદથી 20 ઓવરમાં 6 વિકેટ ગુમાવીને 206 રન બનાવ્યા હતા. જવાબમાં ભારતીય ટીમ સૂર્યકુમાર યાદવ અને અક્ષર પટેલની ધમાકેદાર અડધી સદીની ઇનિંગ્સ છતાં 20 ઓવરમાં 8 વિકેટ ગુમાવીને 190 રન જ બનાવી શકી હતી.
207 રનના લક્ષ્યનો પીછો કરવા ઉતરેલી ભારતીય ટીમની શરૂઆત ઘણી ખરાબ રહી હતી. ટીમે ત્રણ ઓવરમાં ત્રણ વિકેટ ગુમાવી દીધી હતી. ઇશાન કિશન (2), શુભમન ગિલ (5) અને રાહુલ ત્રિપાઠી (5) પાવરપ્લેમાં જ આઉટ થયા હતા. કેપ્ટન હાર્દિક પંડ્યા 12 બોલમાં 12 રન બનાવીને આઉટ થયો હતો. દીપક હુડ્ડા 12 બોલમાં 9 રન બનાવીને આઉટ થયો હતો. આ પછી સૂર્યકુમાર અને અક્ષર પટેલે ઝડપી અડધી સદી ફટકારી હતી. પરંતુ જ્યારે ભારત મેચમાં વાપસી કરે તેવું લાગતું હતું ત્યારે સૂર્યકુમાર 36 બોલમાં 51 રન બનાવીને પેવેલિયન પરત ફર્યો હતો.
ભારતને છેલ્લી ઓવરમાં 21 રનની જરૂર હતી, પરંતુ ટીમ માત્ર 4 રન જ બનાવી શકી હતી. માત્ર 22 બોલમાં છ છગ્ગા અને બે ચોગ્ગા સાથે અણનમ 56 રનની અણનમ ઈનિંગ્સ રમવા ઉપરાંત, શનાકાએ ચમિકા કરુણારત્ને (અણનમ 11) સાથે ચાર ઓવરમાં 68 રનની અતૂટ ભાગીદારી કરીને ટીમના સ્કોરને 200 રનની પાર પહોંચાડી દીધી હતી. મેન્ડિસે અગાઉ 31 બોલમાં ચાર છગ્ગા અને ત્રણ ચોગ્ગાની મદદથી 52 રન બનાવ્યા હતા અને પથુમ નાસિન્કા (33) સાથે પ્રથમ વિકેટ માટે 8.2 ઓવરમાં ઝડપી 80 રનની ભાગીદારી કરી હતી. ચરિત અસલંકાએ પણ 19 બોલમાં ચાર છગ્ગા સાથે 37 રનની ધમાકેદાર ઇનિંગ રમી હતી. ભારત તરફથી ઉમરાન મલિક સૌથી સફળ બોલર રહ્યો, તેણે 48 રનમાં ત્રણ વિકેટ લીધી. અક્ષર પટેલે 24 રનમાં બે વિકેટ ઝડપી હતી. શિવમ માવીએ ચાર ઓવરમાં 53 રન જ્યારે અર્શદીપ સિંહે બે ઓવરમાં 37 રન આપ્યા હતા.
Air India/કોણ છે શંકર મિશ્રા? જેણે એર ઈન્ડિયાની ફ્લાઈટમાં મહિલા પર પેશાબ કર્યો
