ભારતીય શેરબજારની શરૂઆત મિશ્ર રહી હતી. આમાં બજાર ખુલતાની સાથે જ BSE સેન્સેક્સ 100 પોઈન્ટ નીચે ગયો હતો, જ્યારે NSE નિફ્ટી સંપૂર્ણપણે ફ્લેટ ખુલ્યો હતો અને 24300 ની નીચે સરકી ગયો હતો.
બજારની શરૂઆત
BSE સેન્સેક્સ 81.60 પોઈન્ટ અથવા 0.10 ટકા ઘટીને 79,915 ના સ્તર પર ખુલ્યો. NSEનો નિફ્ટી માત્ર 5.60 પોઈન્ટના વધારા સાથે 24,329 પર ખુલ્યો હતો. આ રીતે બજારની મિશ્ર શરૂઆત થઈ છે. બેન્ક નિફ્ટી ઘટીને ખુલ્યો અને બજાર ખુલ્યા પછી તરત જ 52,321 ની નીચી સપાટી બનાવી. જો કે તેમાં તીવ્ર વધઘટ જોવા મળી રહી છે જેના કારણે તે 52,656ની ટોચે પહોંચી ગયો છે. બેન્ક નિફ્ટીના 12માંથી 9 શેરમાં વધારો જોવા મળી રહ્યો છે જ્યારે 3 શેર ઘટાડા સાથે ટ્રેડ થઈ રહ્યા છે.
BSEનું માર્કેટ કેપિટલાઇઝેશન પહેલેથી જ રૂ. 450 લાખ કરોડના સીમાચિહ્નને પાર કરી ચૂક્યું હતું અને આજે તે રૂ. 451.30 લાખ કરોડ પર આવી ગયું છે. હાલમાં, BSE પર 3329 શેરનો વેપાર થઈ રહ્યો છે, જેમાંથી 1920 શેરમાં વધારો જોવા મળી રહ્યો છે. 1266 શેરોમાં ઘટાડો જોવા મળી રહ્યો છે અને 143 શેરોમાં કોઈ ફેરફાર વગર કારોબાર થઈ રહ્યો છે. 170 શેરમાં અપર સર્કિટ અને 91 શેરમાં લોઅર સર્કિટ છે. 240 શેર તેમના 52-સપ્તાહના ઉચ્ચ સ્તરે છે જ્યારે 17 શેર તેમના 52-સપ્તાહના નીચલા સ્તરે છે.
સેન્સેક્સ શેરોની સ્થિતિ
સેન્સેક્સના 30 શેરોમાંથી 16 શેરમાં ઘટાડો અને 14 શેરમાં વધારો જોવા મળી રહ્યો છે. વધતા શેરોમાં, ટાટા મોટર્સ 2.03 ટકા અને ટેક મહિન્દ્રા 0.52 ટકા ઉપર છે. SBI અને ICICI બેંકમાં 0.34 ટકાનો ઉછાળો છે. M&M 0.33 ટકા અને ઇન્ફોસિસ 0.25 ટકા ઉપર છે. નિફ્ટીના 50 શેરોમાંથી 30 શેરોમાં ઘટાડો છે અને 19 શેરો તેજીમાં છે જ્યારે 1 શેર કોઈપણ ફેરફાર વગર ટ્રેડ થઈ રહ્યો છે. ટાટા મોટર્સ, હીરો મોટોકોર્પ, વિપ્રો, M&M અને ટેક મહિન્દ્રાના શેર્સ ટોપ ગેઇનર્સમાં મોખરે છે. ઘટતા શેરોમાં ટાઇટન, શ્રીરામ ફાઇનાન્સ, ડીવીની લેબ્સ, અદાણી પોર્ટ્સ અને એશિયન પેઇન્ટ્સના શેરનો સમાવેશ થાય છે.
આ પણ વાંચો: તમે ક્યાંય રોકાણ ન કરો તો પણ ટેક્સ બચાવી શકો છો, આ 5 રીતો બચાવશે પૈસા
આ પણ વાંચો: જ્યારે ગૌતમ અદાણીનું અપહરણ થયું હતું… એ દિવસની ભયાનક રાત અને…
આ પણ વાંચો: ભારતનું NBFC સેક્ટર બન્યું વિશ્વનું ત્રીજું સૌથી મોટું સેક્ટર
