દિલ્હી-NCR સહિત સમગ્ર ઉત્તર ભારતમાં ભૂકંપના તીવ્ર આંચકા અનુભવાયા હતા. આંચકા એટલા જોરદાર હતા કે લોકો ઘર છોડીને ભાગવા લાગ્યા હતા. રિએક્ટર સ્કેલ પર ભૂકંપની તીવ્રતા 6.4 હોવાનું કહેવાય છે. ભૂકંપ લગભગ 11:35 કલાકે આવ્યો હતો. અત્યાર સુધી કોઈ જાન-માલના નુકસાનના સમાચાર નથી. નેશનલ સિસ્મોલોજીકલ સેન્ટરે જણાવ્યું હતું કે 6.4ની તીવ્રતાનો ભૂકંપ આવ્યો હતો જેનું કેન્દ્ર નેપાળ હતું. જોકે, રાષ્ટ્રીય રાજધાની દિલ્હી, નોઈડા અને ગાઝિયાબાદમાં પણ ભૂકંપના આંચકા અનુભવાયા હતા. આ સિવાય ઉત્તર પ્રદેશ અને બિહાર તેમજ હરિયાણાના ઘણા ભાગોમાં ધરતી ધ્રૂજી. નેશનલ સિસ્મોલોજી સેન્ટર અનુસાર, રિક્ટર સ્કેલ પર ભૂકંપની તીવ્રતા 6.4 માપવામાં આવી હતી.
ઉલ્લેખનીય છે કે તાજેતરમાં નેપાળમાં એક પછી એક અનેક વખત ભૂકંપના જોરદાર આંચકા અનુભવાયા હતા. તેમની અસર ભારતના ઉત્તરીય વિસ્તારો પર પણ જોવા મળી હતી. દિલ્હી અને રાષ્ટ્રીય રાજધાની ક્ષેત્રમાં 3 અને 15 ઓક્ટોબરે પણ ભૂકંપના આંચકા અનુભવાયા હતા. તે દિવસે ભૂકંપની તીવ્રતા રિએક્ટર સ્કેલ પર 6.2 માપવામાં આવી હતી. લોકો ઘરની બહાર નીકળીને રસ્તા પર આવી ગયા હતા, પરંતુ રાહતની વાત એ છે કે ભૂકંપના કારણે કોઈ જાનહાનિ કે કોઈ પ્રકારનું નુકસાન થયું નથી.
