અમેરિકામાં લાસ વેગાસમાં ચાર દિવસ સુધી એક કન્ઝ્યુમર ઇલેક્ટ્રિકટ્રોનિકસનો શો યોજાયો હતો જેમાં એક ફ્રેંચ કંપનીએ વાય આકાર સાથે ટુથબ્રશની નવી ડીઝાઇન જાહેર કરી છે.
આ બ્રશની મદદથી માત્ર ૧૦ સેકંડમાં જ દાંત સાફ થઇ જશે. કંપનીના કહેવા પ્રમાણે આ ટુથબ્રશ દાંતમાં ફીટ થઇ જશે ત્યારબાદ એક બટન દબાવવાની સાથે જ દાંત સાફ થઇ જશે. આ ટુથબ્રશમાં વાઈબ્રેશન થાય છે જેને લીધે દાંત સાફ થઇ જશે.
Y આકારના આ બ્રશપર નાયલોનનું આવરણ છે. આ બ્રશની ખાસિયત એ છે કે તેની એ રીતની ડીઝાઇન કરવામાં આવી છે કે તે આરામથી દાંતમાં ફીટ થઇ જશે.
આ ટુથબ્રશમાં ટુથપેસ્ટ લગાવીને પ્રથમ ૫ સેકન્ડ નીચેના દાંતમાં અને બીજી ૫ સેકન્ડ ઉપરના દાંતમાં ફીટ કરવાનું રહેશે. પાવર બટન દબાવતાની સાથે જ દાંત સાફ થઇ જશે.
સામાન્ય રીતે ડેન્ટીસ્ટ આપણને રોજ ઓછામાં ઓછી ૨ મિનીટ સુધી બ્રશ કરવાની સલાહ આપે છે. જો કે આ કંપનીએ એવો દાવ કર્યો છે કે આ ટુથબ્રશની સ્પીડમાં દાંત સાફ થશે અને ૧૫ ટકાથી વધારે જીવાણું સાફ કરવામાં પણ સક્ષમ છે.
સામાન્ય બ્રશ કરતા આ બ્રશની ખાસિયત પણ ઘણી વધારે છે જેથી તેની કિંમત પણ વધારે છે. એક ટુથબ્રશનીકિંમ્ત ૧૨૫ ડોલર એટલે કે ૯૦૦૦ રૂપિયા છે. આ ટૂથબ્રશનું વેંચાણ એપ્રિલ મહિનાથી શરુ થઇ જશે.આ બ્રશને સમયાંતરે ચાર્જ કરવાનું પણ રહેશે. ચાર્જ થઇ ગયા પછી તમે આ બ્રશથી ૧૦ સેકન્ડ દાંત સાફ કરી શકશો.
