દેશની સૌથી મોટી બેન્ક સ્ટેટ બેન્ક ઓફ ઇન્ડિયા (SBI)એ પોતાના ગ્રાહકો માટે નવી સેવા (SBI Video KYC Service)શરુ કરી છે. જેથી હવે ગ્રાહકોએ ખાતું ખોલાવવા બ્રાંચમાં જવાની જરુર પડશે નહીં. પરંતુ ઘેરબેઠા વીડિયો દ્વારા ખાતું ખોલાવી શકાશે.
એસબીઆઇએ પોતાની મોબાઇલ બેન્કિંગ એપ YONO પર ખાતુ ખોલાવવા માટે એક વીડિયો KYC આધારિત સુવિધા શરુ કરી છે. તેથી ગ્રાહક બ્રાંચમાં ગયા વિના ખાતા ખોલાવવા સંબંધિત તમામ કામ કરી શકશે.
આર્ટિફિશિયલ ઇન્ટેલિજન્સ (AI)અને ફેશિયલ રિકગ્નિશન ટેક્નોલોજી દ્વારા સંચાલિત આ ડિજિટલ પ્લેટફોર્મ એક સંપર્ક રહિત અને પેપરલેસ પ્રક્રિયા (SBI Video KYC Service) છે. કોરોના મહામારીના ટેન્શનમાં આ સેવા કારગત પુરવાર થશે.
આ વીડિયો કેવાયસી સુવિધા એસબીઆઇમાં નવું સેવિંગ્સ એકાઉન્ટ ખોલાવવા માગતા ગ્રાહકે માટે છે. આ સુવિધાનો લાભ લેવા માટે યોનો એપ ડાઉનલોડ કરવી પડશે. ત્યાર બાદ ન્યૂ ટૂ એસબીઆઇ પર ક્લિક કરી ઇંસ્ટા પ્લસ સેવિંગ્સ એકાઉન્ટ પસંદ કરવાનું રહેશે.
આરબીઆઈની ગાઈડલાઈન્સ મુજબ વિડીયો કેવાયસી માટે ફેશિયલ રિકોગ્નિશન, ડાયનામિક વેરિફિકેસન કોડ, લાઈવ ફોટો કેપ્ચર અને જિયો ટેગિંગ જેવી ટેકનિકનો ઉપયોગ કરવામાં આવે છે.
વિડીયો કેવાયસી માટે ગ્રાહકે બેંકની એપોઈન્ટમેન્ટ લેવી પડે છે. તે પછી બેંક એક લિંક મોકલે છે. તેમાં ગ્રાહકનું નામ, પાન નંબર અને આધાર ડીટેઈલ એન્ટર કરવાની હોય છે.
તે પહેલા એપમાં પોતાનો આધાર નંબર નોંધવાનો રહેશે. ત્યાર બાદ પર્સનનલ વિગતો ભરવાની રહેશે. પછી કેવાયસી પ્રક્રિયા પુરી કરવા માટે વીડિયો કોલ શિડ્યુલ કરવી પડશે. વીડિયો કેવાયસી (SBI Video KYC Service) સફળ રીતે પુરી થયા બાદ ખેતુ ખુલી જશે.
દેશની સૌથી મોટી બેન્ક ભારતીય સ્ટેટ બેન્ક (SBI)એ થોડા દિવસો પહેલાં પોતાના 40 કરોડ ગ્રાહકોને એક ખાસ માહિતી આપી હતી.. જેમનું બેન્કમાં બચત ખાતુ, ચાલુ (કરન્ટ) ખાતું, ફિક્સ્ડ ડિપોઝિટ કે રિકરિંગ એકાઉન્ટ છે, તે ગ્રાહકોએ આ માહિતી જરુર જોવી જોઇએ. જેમાં એસબીઆઇએ ગ્રાહકોને પોતાના એકાઉન્ટમાં નોમિની રજીસ્ટ્રેશન કરાવી લેવા કહ્યું હતુ.
એસબીઆઇએ પોતાના સત્તાવાર ટ્વીટર હેન્ડલ આ માહિતી આપતા લખ્યું છે કે ત્રણ રીતે સેવિંગ્સ, કરન્ટ, ફિક્સ્ડ ડિપોઝિટ અને રિકરિંગ ડિપોઝિટ એકાઉન્ટ માટે નોમિની રજીસ્ટ્રેશન કરી શકાય છે. ગ્રાહકો બેન્કની વેબસાઇટ onlinesbi.in કે YONO SBI એપ કે બ્રાંચ પર જઇ નોમિની (વારસદાર)નું રજિસ્ટ્રેશન કરાવી શકે છે.
