Mohantha Controversy: અંબાજી મંદિરમાં પ્રસાદીને લઈને છેલ્લા ઘણા દિવસોથી ચાલી રહેલા વિવાદનો આખરે અંત આવ્યો છે. અંબાજીમાં મોહનથાળનો પ્રસાદ ચાલુ રહેશે. ગાંધીનગરમાં આજે અંબાજી મોહનથાળ પ્રસાદના મુદ્દે રાજ્ય સરકારના મંત્રી હર્ષ સાંઘી, ઋષિકેશ પટેલ, અંબાજી મંદિરના આગેવાનોની બેઠક યોજાઈ હતી. જેમાં પ્રસાદ ચાલુ રાખવા કે ન રાખવા અંગે ચર્ચા કરવામાં આવી હતી. જે બાદ મોહનથાળનો પ્રસાદ ચાલુ રાખવાનો નિર્ણય લેવાયો હતો.
અંબાજી મંદિરમાં મોહનથાળનો પ્રસાદ રોકવાના મુદ્દે રાજ્ય સરકારના પ્રવક્તા ઋષિકેશ પટેલના કાર્યાલયમાં ગૃહ રાજ્યમંત્રી હર્ષ સંઘવીની આગેવાની હેઠળ મહત્વની બેઠક યોજાઈ હતી. જેમાં અંબાજી ટેમ્પલ ટ્રસ્ટના અધિકારીઓ સહિત મંદિરના પૂજારીઓ પણ ઉપસ્થિત રહ્યા હતા. ઋષિકેશ પટેલે જણાવ્યું હતું કે અંબાજીમાં મોહનથાલ અને ચીકી બંને પ્રસાદ તરીકે પીરસવામાં આવશે. મોહનથાળ પ્રસાદની ગુણવત્તામાં સુધારો થશે. ભક્તો અને સંસ્થાઓની આસ્થાને ધ્યાનમાં રાખીને આ નિર્ણય લેવામાં આવ્યો છે. મોહનથાળનો પ્રસાદ કોને બનાવવો તે મંદિર ટ્રસ્ટ નક્કી કરશે.
જણાવી દઈએ કે અંબાજી બાદ હવે પાવાગઢ મંદિરનો વિવાદ સામે આવ્યો છે. મંદિરના ટ્રસ્ટે નિર્ણય કર્યો છે કે છાલવાળા શ્રીફળને મંદિરમાં લઈ જવાની મંજૂરી આપવામાં આવશે. ઉપરાંત, જો કોઈ વેપારી છાલ વગરના શ્રીફળનું વેંચાણ કરતો જોવા મળશે તો તેને દંડ કરવામાં આવશે. કોઈ આખું શ્રીફળ માતાજીને ધરાવીને ઘરે લઈ જઈ શકે છે. મંદિરના ટ્રસ્ટીઓએ સ્વચ્છતાને લઈને આ નિર્ણય લીધો હોવાનું સામે આવ્યું છે. ત્યારે અહીં આવતા ભક્તો અને લોકોમાં ભારે રોષ જોવા મળી રહ્યો છે.
આ પણ વાંચો: Pakistan Cricket/ ODI વર્લ્ડ કપ માટે ભારત આવવા પર પાકિસ્તાનનું નિવેદન, નજમ સેઠીએ હવે સુરક્ષાનો ઉઠાવ્યો મુદ્દો
આ પણ વાંચો: Madhya Pradesh/ મંચ પર અતિ ઉત્સાહિત થયા MPના મંત્રી, કહ્યું- ગાય પાળનારાઓને જ ચૂંટણી લડવાનો મળવો જોઈએ અધિકાર
આ પણ વાંચો: Urine Incident/ ફ્લાઇટ બાદ હવે ટ્રેનમાં પણ ‘પેશાબ કાંડ’! નશામાં TTએ મહિલાના માથા પર કર્યો ‘પેશાબ’
આ પણ વાંચો: USA Banking Crises/ સિલિકોન બેંક ડૂબ્યા બાદ વધુ 6 અમેરિકન બેંકો જોખમમાં, મૂડીઝે આ બેંકોને સમીક્ષામાં રાખી
