કોરોના મહામારી વછે ભારતમાં રસીકરણ અભિયાન ઝડપી ગતિએ ચાલી રહ્યું છે. દરમિયાન, કેન્દ્રીય આરોગ્ય પ્રધાન મનસુખ માંડવિયાએ રસીકરણના 1 વર્ષ પૂર્ણ થવા પર ભારતના રસીકરણ અભિયાનને “વિશ્વમાં સૌથી સફળ” ગણાવ્યું છે. દેશમાં કુલ કોવિડ-19 રસીકરણ કવરેજ 156.76 કરોડના આંકડાને વટાવી ગયું છે. છેલ્લા 24 કલાકમાં 66 લાખથી વધુ રસીના ડોઝ આપવામાં આવ્યા છે. આરોગ્ય મંત્રીએ રસીકરણ અભિયાનને સફળ બનાવવા માટે દેશના લોકો અને આરોગ્ય કર્મચારીઓને અભિનંદન પાઠવ્યા છે.
આ પણ વાંચો:ઉત્તરપ્રદેશ / કોરોના કેસ વધતાં રાજ્યની તમામ શાળા-કોલેજો 23 જાન્યુઆરી સુધી બંધ રહેશે
કેન્દ્રીય સ્વાસ્થ્ય મંત્રી મનસુખ માંડવિયાએ ટ્વિટ કર્યું કે આજે વિશ્વના સૌથી મોટા રસીકરણ અભિયાનને એક વર્ષ પૂર્ણ થઈ રહ્યું છે. પીએમ મોદીના નેતૃત્વમાં શરૂ થયેલું આ અભિયાન ‘સબકે પ્રયાસ’ સાથે આજે વિશ્વનું સૌથી સફળ રસીકરણ અભિયાન છે. હું તમામ આરોગ્ય કર્મચારીઓ, વૈજ્ઞાનિકો અને દેશવાસીઓને અભિનંદન આપું છું.
आज विश्व के सबसे बड़े टीकाकरण अभियान को 1 वर्ष पूर्ण हो गया है।
PM @NarendraModi जी के नेतृत्व में शुरू हुआ यह अभियान 'सबके प्रयास' के साथ आज दुनिया का सबसे सफल टीकाकरण अभियान है।
मैं सभी स्वास्थ्य कर्मियों, वैज्ञानिकों व देशवासियों को बधाई देता हूँ। #1YearOfVaccineDrive pic.twitter.com/IvoX3Z9Nso
— Dr Mansukh Mandaviya (@mansukhmandviya) January 16, 2022
રસીકરણ વિશે વિશ્વની વાત કરીએ તો, વિશ્વની લગભગ 60 ટકા વસ્તીને અત્યાર સુધીમાં પ્રથમ રસી મળી છે, જ્યારે 51 ટકા વસ્તીને બંને રસી મળી છે. જો આપણે ભારત તરફ નજર કરીએ, તો લગભગ 66 ટકા વસ્તીને પ્રથમ રસી મળી છે, જ્યારે 47 ટકા વસ્તી બંને ડોઝ લાગુ કરવામાં સફળ રહી છે. તે જ સમયે, ભારતમાં કિશોરોનું રસીકરણ પણ ઝડપી ગતિએ ચાલી રહ્યું છે. નવા વર્ષ નિમિત્તે 3 જાન્યુઆરીથી શરૂ થયેલા 15-18 વર્ષની વયના બાળકો માટે રસીકરણ કાર્યક્રમે પણ એક મોટો લક્ષ્યાંક હાંસલ કર્યો છે.
આ પણ વાંચો:Interesting / વેક્સિનનો લાગ્યો એવો ડર કે યુવતી ચઢી ગઇ ઝાડ પર
આરોગ્ય મંત્રાલયના ડેટા અનુસાર, 13 જાન્યુઆરી સુધી, 3 કરોડથી વધુ કિશોરોને કોવિડ -19 રસીનો પ્રથમ ડોઝ આપવામાં આવ્યો હતો. દરમિયાન, દેશમાં ઘણી જગ્યાએ પ્રતિબંધો લાગુ છે. દેશના ઘણા ભાગોમાં કોવિડ નિયમોનું પાલન કરવામાં કડકાઈ લેવામાં આવી રહી છે.
