મુસાફરી દરમિયાન માસ્ક અને સામાજિક અંતર ખૂબ સામાન્ય બની ગયા છે. કેન્દ્ર સરકારે લાંબી મુસાફરી દરમિયાન આરોગ્ય સેતુ એપ્લિકેશન ફરજિયાત કરી દીધી હતી. આ માટે ઘણા રાજ્યોમાં મોટા પાયે દંડ પણ વસૂલવામાં આવતો હતો. સી.એન.એન. ના રિપોર્ટમાં કહેવામાં આવ્યું છે કે, માસ્ક અને સામાજિક અંતરની જેમ વેક્સીન પાસપોર્ટ એપ્લિકેશન મુસાફરી દરમિયાન સામાન્ય રહેશે.
તમામ દેશોમાં, કોરોના રસીનો અભ્યાસ ખૂબ જ ઝડપી થઈ ગયો છે. એવી અપેક્ષા રાખવામાં આવે છે કે નવા વર્ષની એન્ટ્રી સાથે બધું સામાન્ય થવા લાગશે. જો કે, બધી અપેક્ષાઓ વચ્ચે હજી લાંબ રસ્તો બાકી છે. વિશ્વવ્યાપી કોવિડ 19 માંથી કુલ મોતની સંખ્યા 2 કરોડની નજીક પહોંચી રહી છે. જ્યારે કે હજી સુધીમાં લગભગ 80 મિલિયન લોકોને ચેપ લાગ્યો છે. આવી સ્થિતિમાં, સીએનએનનો રિપોર્ટ કહે છે કે માસ્ક અને સામાજિક અંતરની જેમ જ નવા નિયમો વેકસીન પાસપોર્ટ ટૂંક સમયમાં આવે તેવી સંભાવના છે.
માહિતી અનુસાર, તે એક મોબાઇલ એપ્લિકેશન હશે, જેમાં કોરોના ટેસ્ટ રિપોર્ટની માહિતી હશે. તે મુસાફરી દરમિયાન ફરજિયાત બનાવવામાં આવશે. આ ઉપરાંત કોન્સર્ટ સ્થળ, મૂવી થિયેટર, ઓફિસ વગેરેમાં પણ ફરજિયાતપણે લાગુ કરવામાં આવશે. વિદેશી મુસાફરી દરમિયાન પણ તે પાસપોર્ટ તરીકે ફરજિયાતપણે લાગુ કરવામાં આવશે.
WHO એ શું કહ્યું?
આ એક પ્રકારનો ડિજિટલ હેલ્થ પાસ કહી શકાય. ઘણી કંપનીઓએ, સ્માર્ટફોન એપ્લિકેશન્સ અને સોફ્ટવેર ડિઝાઇન કરવાનું કામ શરૂ થઈ ગયું છે. કોમ ટ્રસ્ટ નેટવર્ક અને આઇબીએમ જેવી ઘણી કંપનીઓ આ દિશામાં પહેલાથી ઘણું કામ પૂર્ણ કરી ચૂકી છે. ડબ્લ્યુએચઓએ ઘણા દેશોમાં સૂચન આપ્યું છે કે વેકસીન પાસપોર્ટનો ઉપયોગ લોકો તેમના કામના સ્થળ દરમિયાન કરી શકે છે અને એક દેશથી બીજા દેશની મુસાફરી દરમિયાન કરી શકે છે.
