આઈપીએલમાં, રોયલ ચેલેન્જર્સ બેંગ્લોર (આરસીબી) એ એક ટીમ છે જેની પાસે એકથી વધુ દિગ્ગજ ખેલાડીઓ છે. તેમ છતાં, આરસીબી એ વિરાટ કોહલીની કપ્તાની હેઠળ ક્યારેય આઈપીએલનો ખિતાબ જીત્યો નથી. આ વખતે વિરાટ યુએઈમાં આઈપીએલનો ખિતાબ જીતવાનો પ્રયત્ન કરશે. તે આ માટે સખત મહેનત પણ કરી રહ્યો છે. કોરોના વાયરસ રોગચાળાને કારણે આઇપીએલની 13 મી સીઝન આ વર્ષે 19 સપ્ટેમ્બરથી 10 નવેમ્બરની વચ્ચે યુએઈમાં રમાશે. આ ટૂર્નામેન્ટ પ્રેક્ષકો વિના બાયો બબલમાં રમાવાની છે. ખેલાડીઓ ઘણા મહિના પછી મેદાન પર ઉતરી રહ્યા છે. આરસીબીનાં કેપ્ટન વિરાટ કોહલીએ પણ લગભગ પાંચ મહિના બાદ બેટિંગ કરી હતી. આવી સ્થિતિમાં તેણે કહ્યું હતું કે, શરૂઆતમાં તે થોડો ડર અનુભવી રહ્યો હતો અને નર્વસ હતો, પરંતુ હવે વિરાટનાં શોટ્સ જોઇને તે સંભવતઃ તેના રંગમાં પાછો ફર્યો હોય તેવું લાગે છે.
Nothing like a proper cricketing shot⚡ pic.twitter.com/wHJ2EIBwsZ
— Virat Kohli (@imVkohli) September 3, 2020
વિરાટ કોહલીએ તેના ઓફિશિયલ ટ્વિટર હેન્ડલ પરથી એક વીડિયો શેર કર્યો છે. આ વીડિયોમાં વિરાટ કોહલી નેટમાં બેટિંગની પ્રેક્ટિસ કરતો જોવા મળી રહ્યો છે. પ્રેક્ટિસ દરમિયાન, તેણે એક શાનદાર શોટ લગાવ્યો અને વિરોધી ટીમોને ચેતવણી આપી દીધી કે તે આ વખતે ટ્રોફી જીતવાના મૂડમાં છે. આ વીડિયોને શેર કરતી વખતે વિરાટે કેપ્શન આપ્યું હતું – યોગ્ય ક્રિકેટ શોટ જેવું કંઈ નથી.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
