રાજ્યસભામાં ચર્ચા દરમિયાન કોંગ્રેસ અધ્યક્ષ મલ્લિકાર્જુન ખડગેએ ભાજપ પર આકરા પ્રહારો કર્યા હતા. તેમણે કહ્યું કે વડાપ્રધાનના આગમનથી શું થવાનું છે? શું તેઓ પરમાત્મા છે? તેઓ કોઈ ભગવાના નથી. હોબાળા વચ્ચે અધ્યક્ષે રાજ્યસભાની કાર્યવાહી સ્થગિત કરી દીધી.
મણિપુર મુદ્દે રાજ્યસભામાં હોબાળો
હકીકતમાં મણિપુરના મુદ્દે રાજ્યસભામાં હોબાળો થયો હતો. આ દરમિયાન મલ્લિકાર્જુન ખડગે કહેતા હતા કે વડાપ્રધાનને આવવા દો.. અમે અમારી સમસ્યાઓ તેમની સમક્ષ રજૂ કરીશું.. આટલું બોલ્યા બાદ સત્તાપક્ષ તરફથી હોબાળો થયો હતો. શાસક પક્ષના લોકો કહી રહ્યા હતા કે વડાપ્રધાન આવી રહ્યા છે, તેઓ લોકસભામાં આ મુદ્દે પોતાના વિચારો રજૂ કરશે.
તેના પર મલ્લિકાર્જુન ખડગેએ કહ્યું કે વડાપ્રધાનના આગમનથી શું થવાનું છે? શું તેઓ પરમાત્મા છે? ત્યાર બાદ હંગામા વચ્ચે મલ્લિકાર્જુન ખડગેએ કહ્યું કે તે ભગવાન નથી. આ પછી ગૃહમાં હંગામો વધુ વધી ગયો, ત્યારબાદ અધ્યક્ષ જગદીપ ધનખડે ગૃહની કાર્યવાહી સ્થગિત કરી દીધી.
જણાવી દઈએ કે વડાપ્રધાન નરેન્દ્ર મોદી લોકસભામાં ગુરુવારે લગભગ 4 વાગે અવિશ્વાસ પ્રસ્તાવ પરની ચર્ચાનો જવાબ આપશે. વડાપ્રધાન કાર્યાલય દ્વારા આ માહિતી આપવામાં આવી છે. પીએમઓએ એક ટ્વિટ દ્વારા આ માહિતી આપી છે કે વડાપ્રધાન નરેન્દ્ર મોદી આજે લગભગ 4 વાગ્યે અવિશ્વાસ પ્રસ્તાવનો જવાબ આપશે. વિપક્ષ દ્વારા સરકાર વિરુદ્ધ લાવવામાં આવેલા અવિશ્વાસ પ્રસ્તાવ પર લોકસભામાં હજુ પણ ચર્ચા ચાલી રહી છે.
મંગળવારે નીચલા ગૃહમાં કોંગ્રેસના ગૌરવ ગોગોઈ દ્વારા પ્રસ્તાવ રજૂ કરવામાં આવ્યો હતો. ચર્ચાની શરૂઆત કરતા તેમણે કહ્યું કે વિપક્ષી ગઠબંધન ભારતીય રાષ્ટ્રીય વિકાસલક્ષી ગઠબંધન એટલે કે ‘ભારત’ મણિપુર મુદ્દે સરકાર સામે અવિશ્વાસ પ્રસ્તાવ લાવ્યા છે કારણ કે રાજ્ય ન્યાયની માંગ કરી રહ્યું છે. તેમણે સવાલ ઉઠાવ્યો હતો કે વડાપ્રધાન મોદીએ અત્યાર સુધી મણિપુરની મુલાકાત કેમ નથી લીધી? તેમણે મણિપુરના મુખ્યમંત્રી એન બિરેન સિંહ પર રાજ્યમાં શાંતિ અને કાયદો અને વ્યવસ્થા જાળવવામાં સંપૂર્ણપણે નિષ્ફળ જવાનો આરોપ પણ લગાવ્યો હતો.
આ પણ વાંચો:અવિશ્વાસ પ્રસ્તાવ પર ચર્ચાના છેલ્લા દિવસે PM મોદી વિપક્ષ પર કરશે પ્રહાર
આ પણ વાંચો:AAPનો કેન્દ્ર સરકાર પર હુમલો, રાહુલ ગાંધીની જેમ રાઘવ ચઢ્ઢાની સદસ્યતા ખતમ કરવાનું ષડયંત્ર
આ પણ વાંચો:આજે છે ‘વિશ્વ સિંહ દિવસ’, PM મોદીએ આપી શુભકામનાઓ, કહ્યું- દેશમાં સિંહોની વસ્તી વધી
આ પણ વાંચો:ચંદ્રયાન-3ના લેન્ડરે ચંદ્ર અને પૃથ્વીની તસવીરો મોકલી, જુઓ અવકાશમાંથી ધરતી અને ચંદ્ર કેવો દેખાય છે
