Who Is Gopichand Thotakura:ભારતીય મૂળના પાયલોટ ગોપીચંદ થોટાકુરા (Gopichand thotakura) 19મી મેના રોજ ઈતિહાસ રચવા જઈ રહ્યા છે. તે જેફ બેઝોસની માલિકીની કંપની બ્લુ ઓરિજિનની કોમર્શિયલ સ્પેસ ફ્લાઇટનો ભાગ છે, જે આજે સાંજે ઉપડશે. બ્રહ્માંડની આ સફરમાં ગોપીચંદને પાયલોટ તરીકે પસંદ કરવામાં આવ્યા છે. અવકાશમાં ઉડાન ભરીને આવું કરનાર તે બીજા ભારતીય હશે. અગાઉ 1984માં રાકેશ શર્માએ આ સિદ્ધિ મેળવી હતી.
અમેરિકામાં રહેતા ગોપીચંદને બ્લુ ઓરિજિન ન્યૂ શેપર્ડ-25 (NS-25) મિશન માટે ક્રૂ તરીકે પસંદ કરવામાં આવ્યા છે. તેમના સિવાય ક્રૂમાં વિશ્વભરના અન્ય પાંચ અવકાશયાત્રીઓ છે. આ મિશન ન્યૂ શેપર્ડ પ્રોગ્રામ માટે માનવસહિત સાતમી અને ઈતિહાસમાં 25મું મિશન છે.
પ્લેન ક્યારે ઉપડશે
મિશનની ફ્લાઈટનો સમય ભારતીય સમય અનુસાર સાંજે 7 વાગ્યાનો રાખવામાં આવ્યો છે. લોન્ચની 40 મિનિટ પહેલા બ્લુ ઓરિજિનના સોશિયલ મીડિયા પ્લેટફોર્મ પર લાઈવ સ્ટ્રીમિંગ થશે. ટેક ઓફ સાઈટ અમેરિકાના વેસ્ટ ટેક્સાસ શહેરમાં રાખવામાં આવી છે.
એક ભારતીય તરીકે ગોપીચંદની યાત્રાનું ઘણું મહત્વ છે. કારણ કે એપ્રિલ 1984માં રશિયન સોયુઝ ટી-11 અવકાશયાનમાં રાકેશ શર્માની ઐતિહાસિક યાત્રા બાદ તેઓ અવકાશમાં જનારા બીજા ભારતીય બનશે. ગોપીચંદ 31 લોકોની સ્પેશિયલ ટીમનો ભાગ છે જેમને કર્મન રેખા પાર કરવાની છે. આ રેખા પૃથ્વીના વાતાવરણ અને બાહ્ય અવકાશ વચ્ચેની સીમા છે.
કોણ છે ગોપીચંદ થોટાકુરા?
આંધ્રપ્રદેશના વિજયવાડામાં જન્મેલા ગોપીચંદ 30 વર્ષના છે. તે એક ઉદ્યોગસાહસિક અને કુશળ પાયલોટ છે. બ્લુ ઓરિજિન વેબસાઈટ અનુસાર, ગોપીચંદ એક પાયલોટ અને એવિએટર છે. જેણે રસ્તા પર વાહન ચલાવતા પહેલા જ ઉડવાનું શરૂ કરી દીધું હતું. કમર્શિયલ જેટ ઉડાવવા ઉપરાંત, તેણે બુશ, એરોબેટિક અને સી પ્લેન તેમજ ગ્લાઈડર પણ ઉડાવ્યા છે. તેણે આંતરરાષ્ટ્રીય મેડિકલ જેટ પાઈલટ તરીકે પણ સેવા આપી છે.
તેમની ઉડ્ડયન સિદ્ધિઓ ઉપરાંત, ગોપીચંદ, જેમણે એમ્બ્રી-રિડલ એરોનોટિકલ યુનિવર્સિટીમાંથી સ્નાતક પૂર્ણ કર્યું છે, તેઓ મુસાફરીના શોખીન છે. તેણે કિલીમંજારો પર્વત પર સફળતાપૂર્વક ચઢાણ કર્યું છે.
આ પણ વાંચો:શંકાશીલ પતિ બન્યો હેવાન, પત્નીના પ્રાઈવેટ પાર્ટમાં મારી ખીલી અને લગાવી દીધું તાળું
આ પણ વાંચો:પુત્રને બચાવવા માટે મહિલાએ પતિને આપ્યુ ભયાનક મોત…
આ પણ વાંચો:હવામાં ઉડાન ભરતાની સાથે જ વિમાનમાં લાગી આગ, 179 મુસાફરોના બચ્યા જીવ
આ પણ વાંચો:પાંચમા તબક્કામાં બંગાળની ‘VIP’ લડાઈ, સાત બેઠકો પર આઠ સ્ટાર ઉમેદવારો
