મહાશિવરાત્રીનો તહેવાર દર વર્ષે ફાલ્ગુન કૃષ્ણ ચતુર્દશીના રોજ ઉજવવામાં આવે છે. શિવરાત્રી એ શિવની દૈવી અને ચમત્કારિક કૃપાનો મહાન તહેવાર છે. કહેવાય છે કે શિવરાત્રીના દિવસે ભગવાન શિવને પ્રસન્ન કરવા ખૂબ જ સરળ છે. આ દિવસે જેને મહાદેવની કૃપા મળે છે તેનું જીવન ખુશીઓથી ભરાઈ જાય છે. આ વર્ષે મહાશિવરાત્રીનો તહેવાર 8 માર્ચ, શુક્રવારના રોજ ઉજવવામાં આવશે. આવો અમે તમને શિવરાત્રીનો શુભ સમય, પૂજાની રીત અને કેટલાક દૈવી ઉપાયો જણાવીએ.
શિવરાત્રીનું મહત્વ
હિંદુ પરંપરા અનુસાર આ દિવસે ભગવાન શિવ પ્રગટ થયા હતા. આ દિવસે શિવજીના લગ્ન થયાની માન્યતા પણ પ્રચલિત છે. આ દિવસે ઉપવાસ, મંત્રોચ્ચાર અને રાત્રિ જાગરણને વિશેષ મહત્વ આપવામાં આવ્યું છે. શિવરાત્રીની દરેક ઘડી અત્યંત શુભ હોય છે. મહાશિવરાત્રિ પર, ભક્તો મહાદેવ અને માતા પાર્વતીની વિધિવત પૂજા કરીને ઇચ્છિત વરદાન મેળવે છે. આ પૂજા ચાર પ્રહરમાં કરવામાં આવે છે.
પૂજાનો શુભ સમય
પૂજાનો શુભ સમય (મહાશિવરાત્રી 2024 શુભ મુહૂર્ત)
પ્રથમ પ્રહર પૂજાનો સમય – 8 માર્ચ સાંજે 06.25 વાગ્યાથી 09.28 વાગ્યા સુધી
બીજા પ્રહરની પૂજાનો સમય- 9 માર્ચની મધ્યરાત્રિથી 12.31 વાગ્યા સુધી
ત્રીજા પ્રહરની પૂજાનો સમય- 9 માર્ચ મધ્યરાત્રિથી 12.30 વાગ્યા સુધી
ચતુર્થ પ્રહરનો સમય – 9 માર્ચ સવારે 03.34 થી 06.37 સુધી
આ વખતે મહાશિવરાત્રી પર ગ્રહો પાંચ રાશિમાં રહેશે. મકર રાશિમાં ચંદ્ર અને મંગળ એક સાથે રહેશે. આ સંયોજનથી લક્ષ્મી નામનો યોગ બની રહ્યો છે. તેથી આ વખતે શિવરાત્રિ પર આર્થિક અવરોધો દૂર થઈ શકે છે. ચંદ્ર અને ગુરુનું વર્ચસ્વ પણ શુભ સ્થિતિઓનું નિર્માણ કરી રહ્યું છે. આ વર્ષે શિવરાત્રિએ રોજગારની મુશ્કેલીઓ પણ દૂર થઈ શકે છે.
આ સામગ્રીથી કરો પૂજન
મહાશિવરાત્રીના દિવસે નિર્જળા ઉપવાસ અથવા માત્ર ફળનો ઉપવાસ રાખવાનું વધું સારું કહી શકાય. મહાશિવરાત્રી પર ભગવાન શિવની પૂજા કરવા સવારે વહેલા ઉઠો, સ્નાન કરો, સ્વચ્છ વસ્ત્રો પહેરો અને ઉપવાસની પ્રતિજ્ઞા લો. આ પછી ઘરની નજીક આવેલા ભગવાન શંકરના કોઈ મંદિરમાં જઈ શિવલિંગ પર ચોખા, કાળાતલ, જવ, ઘઉં ચઢાવ્યા બાદ પાણી ચઢાવવું. ત્યાર બાદ દૂધમાં ખાંડ નાખી અભિષેક કરવો. પછી શેરડીના રસનો અભિષેક કર્યા બાદ ગંગાજળ ચઢાવવું. પછી મધ અને ઘી ચઢાવવું આ 10 વસ્તુ શિવલિંગ પર ચઢાવી પૂજા કરવાથી ભગવાન શિવ જરૂર પ્રસન્ન થાય છે. આ સિવાય ભગવાન ભોલેનાથના શિવલિંગ પર બીલીપત્ર, ધતુરા, સફેદ ચંદન, અત્તર, પવિત્ર દોરો, ફળ અને મીઠાઈઓ અર્પણ કરી શકો છો. ભગવાન શિવને કેસરવાળી ખીર અર્પણ કરીને પ્રસાદ વહેંચો. આ એવી પૂજા પદ્ધતિ છે જેના દ્વારા ભક્તોને ભગવાનના આશીર્વાદ તો મળે જ છે પરંતુ દરેક દુઃખ અને મુશ્કેલીમાંથી પણ મુક્તિ મળે છે.
આ પણ વાંચો :himachal pardesh/હિમાચલમાં કોંગ્રેસ પર મંડરાતા સંકટના વાદળો,પ્રદેશની રિર્પોટ અધ્યક્ષ ખડગેને સોંપાઇ
આ પણ વાંચો : ED Raids Latest News/સપા ધારાસભ્ય ઈરફાન સોલંકી અને તેમના સંબંધીઓના ઘરે EDના દરોડા, જેલમાં બંધ ઇરાફન સોલંકીની મુશ્કેલીમાં થયો વધારો
આ પણ વાંચો : gold imports/અમદાવાદમાં સોનાની આયાતમાં 86 ટકા વધારો
