Technology News: X ની ટીવી એપ ટૂંક સમયમાં લોન્ચ થવા જઈ રહી છે. આ માહિતી એક્સના માલિક ઈલોન મસ્કે પોતે આપી છે. X પહેલા Twitter તરીકે ઓળખાતું હતું. ઈલોન મસ્કે X TV એપ માટે બે મોટી કંપનીઓ સાથે ભાગીદારી કરી છે. X હવે YouTube સાથે સ્પર્ધા કરવા જઈ રહ્યું છે. X TV એપનું અપડેટ આવતા સપ્તાહથી બહાર પાડવામાં આવશે.
Coming soon https://t.co/JlnlSL7eS9
— Elon Musk (@elonmusk) March 9, 2024
રિપોર્ટ અનુસાર Xની ટીવી એપ યુટ્યુબ ટીવી એપ જેવી જ લાગે છે. ઈલોન મસ્ક ટીવી એપ દ્વારા Xના વીડિયો ટીવી પર મોકલવાની યોજના ધરાવે છે. આને રેવન્યુ મોડલનો એક ભાગ પણ કહી શકાય.
ઈલોન મસ્ક ધીમે ધીમે X વીડિઓ પ્લેટફોર્મ તરફ આગળ વધી રહ્યો છે. થોડા દિવસો પહેલા જ તેણે એક એક્સક્લુઝિવ શો માટે એક વિદેશી ન્યૂઝ ચેનલના પ્રખ્યાત એન્કર સાથે ભાગીદારી કરી છે. આ સિવાય યુટ્યુબર મિસ્ટર બીસ્ટ, તેના એક વીડિયોમાંથી X થી $2,50,000 ની કમાણી કરી છે, ત્યારબાદ X કમાણી ના સંદર્ભમાં કન્ટેન્ટ ક્રિએટર્સ માં ખુબ જ લોકપ્રિય બની ગયું છે.
ઈલોન મસ્કે YouTube સાથે સ્પર્ધા કરવા X TV એપ લોન્ચ કરી છે તેવું લાગી રહ્યું છે, પરંતુ આ સ્પર્ધા એટલી સરળ નથી. તમને વિશ્વના તમામ સ્માર્ટ ટીવીમાં ડિફોલ્ટ રૂપે YouTube એપ્લિકેશન મળશે.
આ પણ વાંચોઃ Crime/ સુરતમાં ત્રીજા માળેથી પટકાતા વિદ્યાર્થીનીનું મોત
આ પણ વાંચોઃ National Creators Award 2024,/ વડાપ્રધાન નરેન્દ્ર મોદીએ નેશનલ ક્રિયેટર્સ એવોર્ડ આપતા અમદાવાદીઓ વિશે રસપ્રદ વાત કરી…
