ઉત્તરાખંડ વક્ફ બોર્ડે મદરેસાને લઈને મહત્વનો નિર્ણય લીધો. જે રાજ્યના તમામ મદરેસાને લાગુ પડશે. ઉત્તરાખંડ વક્ફ બોર્ડન અધ્યક્ષ શાદાબ શમ્સે કહ્યું છે કે, આ વર્ષે માર્ચથી 2024માં શરૂ થનારા સત્રમાં નવો અભ્યાસક્રમ લાગુ કરવામાં આવશે. તમને જણાવી દઈએ કે વક્ફ બોર્ડ હેઠળ રાજ્યભરમાં 117 મદરેસા ચલાવવામાં આવી રહ્યા છે. માર્ચ મહિનાથી વિદ્યાર્થીઓના અભ્યાસમાં નવો ક્રમ લાગુ કરવામાં આવશે, આ રાજ્યની મદરેસામાં ભગવાન શ્રી રામની કથા ભણાવવામાં આવશે.
22 જાન્યુઆરીએ રામ મંદિરના ઉદ્ઘાટન અને રામ મંદિરના ગર્ભગૃહમાં રામ લલ્લાના અભિષેક બાદ સમગ્ર દેશ રામમય બની ગયો છે. દેશભરમાંથી લાખો લોકો રામ મંદિરમાં દર્શન કરવા આવી રહ્યા છે. આ દરમિયાન વાસ્તવમાં એક સમાચાર સામે આવ્યા છે કે, ઉત્તરાખંડ વક્ફ બોર્ડ હેઠળ ચાલતા મદરેસાના નવા અભ્યાસક્રમમાં ભગવાન શ્રી રામની કથાનો સમાવેશ કરવાનો નિર્ણય લેવામાં આવ્યો છે. ચાલો જાણીએ શું છે આ સમગ્ર મામલો.
અભ્યાસ ક્રમમાંને લગતો મહત્વનો નિર્ણય
ઉત્તરાખંડ વક્ફ બોર્ડના અધ્યક્ષ શાદાબ શમ્સે ગુરુવારે મોટી માહિતી શેર કરી હતી. તેમણે કહ્યું છે કે, વક્ફ બોર્ડ હેઠળ ચાલતા મદરેસાના નવા અભ્યાસક્રમમાં ભગવાન શ્રી રામની કથાનો પણ સમાવેશ કરવામાં આવશે. મદરેસાના વિદ્યાર્થીઓને પૈગંબર મોહમ્મદ સાથે શ્રી રામના જીવન વિશે શીખવવામાં આવશે. વક્ફ બોર્ડ હેઠળ રાજ્યભરમાં 117 મદરસા ચલાવવામાં આવી રહ્યા છે.
માર્ચથી નવો અભ્યાસક્રમ લાગુ
આ વર્ષે માર્ચથી 2024માં શરૂ થનારા સત્રમાં નવો અભ્યાસક્રમ લાગુ કરવામાં આવશે. જેમાં વિદ્યાર્થીઓ ભગવાન શ્રી રામ વિશે પણ વાંચન કરશે. શાદાબ શમ્સે કહ્યું કે, શ્રી રામ એક અનુકરણીય પાત્ર છે જેના વિશે દરેક વ્યક્તિએ જાણવું જોઈએ અને તેનું અનુકરણ કરવું જોઈએ. તેમના પિતાને તેમનું વચન પૂરું કરવામાં મદદ કરવા માટે, શ્રી રામ સિંહાસન છોડીને જંગલમાં ગયા હતા.
રામ મંદિર દર્શન માટે સુવિધા વધારી
શ્રદ્ધાળુઓને માત્ર એક હજાર રૂપિયામાં અયોધ્યા સુધી મુસાફરી, રહેવા અને દર્શનની સુવિધા આપવામાં આવી રહી છે. જો તમે પણ ભગવાન રામના દર્શન કરવા માંગતા હોવ તો માત્ર એક હજાર રૂપિયા ખર્ચીને આ સુવિધા મેળવી શકો છો. ભાજપે પોતાના તમામ સાંસદો, ધારાસભ્યો, મંત્રીઓ અને સંગઠનના વરિષ્ઠ અધિકારીઓને તેમના સંબંધિત વિસ્તારોમાંથી એવા તમામ લોકોને અયોધ્યા લઈ જવાની વ્યવસ્થા કરવા સૂચના આપી છે જેઓ ભગવાન રામના દર્શન કરવા ઈચ્છે છે. તે જ સમયે, ભાજપે અયોધ્યામાં 25 હજાર શ્રદ્ધાળુઓના રહેવાની વ્યવસ્થા કરી છે. આ સ્થળોએ રામ ભજન, કીર્તન અને રામલીલા જેવા સાંસ્કૃતિક કાર્યક્રમોનું આયોજન કરવાની પણ તૈયારીઓ ચાલી રહી છે.
આ પણ વાંચો:26 January 2024/26 જાન્યુઆરી : ખેડૂત સંઘ ‘ભારતીય કિસાન યુનિયન’નું દેશના ખેડૂતોને ટ્રેક્ટર માર્ચનું આહ્વાન
આ પણ વાંચો: અયોધ્યા રામ મંદિર : ભક્તોની આસ્થાને લઈને મંદિરમાં દર્શનના સમયમાં કરાયો વધારો, શ્રદ્ધાળુઓમાં ખુશીની લહેર
