કેબિનેટે બુધવારે ગુડ્સ એન્ડ સર્વિસ ટેક્સ હેઠળ લકઝરી કારો પર લાગતો ટેકસને 15 ટકાથી વધારીને 25 ટકા કરવાના ઓર્ડિનન્સને મંજૂરી આપી છે. આ અંગે જીએસટી કાઉન્સિલની 9 સપ્ટેમ્બરે યોજાનારી બેઠકમાં પ્રપોઝલ રાખવામાં આવશે.ત્યાર બાદ નાણાંમંત્રાલય નોટિફિકેશન બહાર પાડશે.મિડ સાઇઝ, લાર્જ અને સ્પોર્ટ્સ યૂટિલિટી વ્હીકલ્સની કિંમતોમાં 1 થી 3 લાખ રૂપિયા સુધીનો વધારો થઇ શકે છે. જીએસટી કાઉન્સિલે 5 ઓગસ્ટના રોજ જીએસટી કોમ્પેન્સેશન કાયદામાં ફેરફારની મંજૂરી આપી હતી.જેમાં મોટર વ્હીકલ્સ પર સેસની મર્યાદાને વધારવાની બાબત સામેલ હતી.