કોરોના વાયરસનો ચેપ ઝડપથી ફેલાઇ રહ્યો છે. દેશમાં કોરોના ચેપને કારણે અત્યાર સુધીમાં 124 લોકોનાં મોત નીપજ્યાં છે, જ્યારે ચેપગ્રસ્ત લોકોની સંખ્યા 4800 એ પહોંચવા આવી રહી છે. દેશમાં લોકડાઉન દ્વારા કોરોના ચેપનો ફેલાવો અટકાવવાનાં પ્રયત્નો કરવામાં આવી રહ્યા છે. સરકાર લોકોને અપીલ કરી રહી છે કે, તેઓ તેમના ઘરની બહાર ન નીકળે. આ સાથે જ ભારતીય રિઝર્વ બેંકે પણ લોકોને રોકડને બદલે ડિજિટલ પેમેન્ટનો ઉપયોગ કરવાની અપીલ કરી છે. આરબીઆઈએ લોકોને નોટથી દૂર રહેવાની સલાહ આપી છે. જો તમે આકસ્મિક રીતે તમારા હાથથી કેશને સ્પર્શ કરો છો, તો તુરંત જ તમારા હાથને સાબુથી ધોઈ નાખો.

યુનિવર્સિટી ઓફ હોગકોંગનાં એક અહેવાલ મુજબ, બેંકનોટ પર કોરોના વાયરસ ચાર દિવસ સુધી જીવી શકે છે. નોટો દ્વારા ચેપ એકથી બીજામાં સંક્રમિત થઈ શકે છે. હોંગકોંગ યુનિવર્સિટીનાં સંશોધનકારનાં જણાવ્યા મુજબ, વિવિધ ચીજો પર વાયરસનો જીવન સમય અલગ છે. રિપોર્ટ અનુસાર, નોટ પરનો કોરોના વાયરસ ચાર દિવસ સુધી જીવંત રહી શકે છે. સાઉથ ચાઇના મોર્નિંગ પોસ્ટ મુજબ કોરોના વાયરસનું જીવનકાળ જુદી જુદી વસ્તુઓ પર અલગ છે. અહેવાલ મુજબ, કોરોના વાયરસ સ્ટેનલેસ સ્ટીલ અને પ્લાસ્ટિકની સપાટીને ચાર દિવસ સુધી વળગી રહી શકે છે અને જીવંત રહી શકે છે. ચહેરાનાં માસ્ક પર, આ વાયરસ એક અઠવાડિયા સુધી જીવંત રહી શકે છે. જ્યારે આ વાયરસ પ્રિંટિંગ અને ટીશ્યુ પેપર પર 3 કલાક જીવી શકે છે, તે લાકડા અથવા કાપડ પર પૂરો દિવસ રહી શકે છે.

‘ધ લાંસેટ મેગેઝિન‘ રિપોર્ટ અનુસાર, વાયરસ કાચ પર 4 દિવસ જીવી શકે છે. બીજી તરફ, પ્લાસ્ટિક પર કોરોના વાયરસ 4 થી 7 દિવસ જીવંત રહેવાથી ચેપ ફેલાઇ શકે છે. ‘ધ લાંસેટ મેગેઝિનમાં પ્રકાશિત થયેલ છે. વળી, કોરોના પરિવારનાં અન્ય વાયરસ જેવા કે સાર્સ અને મર્સ મેટલ, ગ્લાસ અને પ્લાસ્ટિક પર 9 દિવસ સુધી જીવી શકે છે. સંશોધનકારોનાં મતે, ઘરનાં ઉપયોગમાં લેવાતા બ્લીચ અથવા સાબુ અને પાણીથી વારંવાર હાથ ધોવાથી કોરોના વાયરસ મૃત્યુ પામે છે. આવી સ્થિતિમાં, કંઈપણ લાગુ કર્યા પછી તુરંત જ હાથને સાબુ અને પાણીથી ધોવા જોઈએ. આ સાથે જ રિઝર્વ બેંકે ડિજિટલ બેંકિંગનો ઉપયોગ કરવાની પણ અપીલ કરી છે. રિઝર્વ બેંકનાં ગવર્નર શક્તિકાંત દાસે લોકોને કોરોના વાયરસથી બચવા માટે ડિજિટલ બેકિંગનો ઉપયોગ કરવાની સલાહ આપી છે. આરબીઆઈએ લોકોને ડેબિટ કાર્ડ, ક્રેડિટ કાર્ડ અને મોબાઇલ એપ્લિકેશન્સ દ્વારા લેવડદેવડ કરવાની અપીલ કરી છે.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.