અભિનેતા સુશાંત સિંહ રાજપૂતની આત્મહત્યા બાદ હવે ફિલ્મ ઇન્ડસ્ટ્રીમાં ચાલી રહેલ નેપોટિઝ્મની ચર્ચા જોર પકડ્યું છે. આ દરમિયાન, અભિનેત્રીથી નિર્માતા બનેલ અનુષ્કા શર્માએ સ્પષ્ટ કર્યું કે તે એક્ટિંગ ઇન્ડસ્ટ્રીમાં પરિવર્તન લાવશે અને તે સાચા પ્રતિભાશાળી કલાકારોને તેમની ક્ષમતાઓ બતાવવાની તક આપશે.
અનુષ્કા શર્માએ કહ્યું, ‘જ્યારે હું 25 વર્ષની ઉંમરે નિર્માતા બની હતી, ત્યારે મને સ્પષ્ટ થયું કે હું ખરેખર એવા પ્રતિભાશાળી લોકોને લઈશ જેઓ તેમની શુદ્ધ, નેચરલ પ્રતિભાની સાથે ઓળખ બનવા માટે પોતાનું બધું જ આપી દે છે અને ફિલ્મોને બિઝનેશમાં પગ મુકે છે. અનુષ્કા શર્માનું પ્રોડક્શન હાઉસ ‘ક્લીન સ્લેટ ફિલ્મ્સ’ પ્રેક્ષકોને ખૂબ સારી સામગ્રી આપી રહ્યું છે અને નવા પ્રતિભાશાળી કલાકારોને તક આપી રહ્યું છે.
અનુષ્કા શર્માના ભાઈ કર્નેશ શર્મા પણ આ પ્રોડક્શન હાઉસનો કો-ફાઉન્ડર છે. તેણે કહ્યું, ‘અમે ક્લીન સ્લેટ ફિલ્મ્સની શરૂઆત કરી ત્યારથી, અમે નવી પ્રતિભા સાથે કામ કરવા માંગીએ છીએ અને અમે એવા અભિનેતાઓ, દિગ્દર્શકો અને ટેકનીશીયઓ સાથે કર્યું છે. અમે આવી વાર્તાઓને પણ કંઈક અલગ જોતા હોઈએ છીએ અને આગળ ધરી શકાય તેવા વિચારોની શોધમાં છીએ.
પ્રોડક્શન હાઉસે વર્ષ 2015 માં પહેલી ફિલ્મ ‘એનએચ 10’ પ્રોડ્યુસ કરી. આ પછી, ‘ફીલ્લોરી’ અને ‘પરી’. આપને જણાવી દઈએ કે અનુષ્કા શર્માએ આદિત્ય ચોપડાની ફિલ્મ રબ ને બના દી જોડીથી ડેબ્યૂ કર્યું હતું. આ ફિલ્મમાં તે શાહરૂખ ખાનની અપોજિટ જોવા મળી હતી. અનુષ્કાએ કહ્યું, ‘બોલિવૂડમાં મારો પ્રવાસ ખૂબ જ રસપ્રદ રહ્યો છે. હું મારા અનુભવથી શીખ્યા એવા મહત્વપૂર્ણ પાઠ કર્નેશની સાથે મારી પ્રોડક્શન કંપનીમાં લાગુ કરી રહી છું.
જણાવી દઈએ કે અનુષ્કા શર્માના પ્રોડક્શન હાઉસમાં બનેલી ફિલ્મ ‘બુલબુલ’ તાજેતરમાં જ નેટફ્લિક્સ પર રિલીઝ થઈ છે. આ ફિલ્મ ખૂબ સારા રેટિંગ્સ મેળવી રહી છે. અનુષ્કા શર્મા ફિલ્મની સફળતાથી ખૂબ જ ખુશ છે. અગાઉ, તેમના પ્રોડક્શનમાં બનેલી વેબ સિરીઝ ‘પાતલોક’ ની પણ ખૂબ પ્રશંસા થઈ હતી.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
