સંરક્ષણ સંશોધન અને વિકાસ સંગઠન (ડીઆરડીઓ) ને એક મોટી સફળતા મળી છે. ભારતે લડાકુ વિમાન સુખોઈ-30 ની મદદથી એન્ટી રેડિએશન મિસાઇલ ‘રુદ્રમ‘ નું સફળતા પૂર્વક પરીક્ષણ કર્યું છે. ડીઆરડીઓએ એન્ટી રેડિયેશન મિસાઇલ ‘રુદ્રમ‘ ડિઝાઇન કરી છે. આ મિસાઇલનું પૂર્વ કિનારે પરીક્ષણ કરાયું હતું.

દેશમાં વિકસિત તે આ પ્રકારની પહેલી મિસાઇલ છે, જેને કોઈપણ ઉંચાઇથી ચલાવી શકાય છે. આ મિસાઇલનો ફાયદો એ છે કે તે કોઈપણ પ્રકારનાં સિગ્નલ અને રેડિયેશનને કબજે કરી શકે છે અને આ મિસાઇલને તેના રડારમાં લાવીને તેનો નાશ કરી શકે છે. આ મિસાઇલ હાલમાં ડેવલપમેન્ટ ટ્રાયલ હેઠળ છે. પરંતુ ટૂંક સમયમાં જ ટ્રાયલ પૂર્ણ થયા બાદ આ મિસાઇલનો ઉપયોગ સુખોઇ અને દેશી વિમાન તેજસમાં કરવામાં આવશે, જે આ વિમાનોની શક્તિમાં વધુ વધારો કરશે. મિસાઇલ ‘રુદ્રમ‘ ની લંબાઈ 5.5 મીટર છે અને તેનું વજન 140 કિલો છે. આ મિસાઇલ ‘એસ્ત્ર‘ મિસાઇલ જેવી જ છે.

આ અગાઉ ભારતે સોમવારે ઓડિશાનાં કાંઠા વિસ્તારમાં આવેલા એક પરીક્ષણ કેન્દ્રથી દેશમાં વિકસિત ટોર્પીડો (સ્માર્ટ) સિસ્ટમનું સુપરસોનિક મિસાઇલનું સહાયક સફળ પ્રાયોગિક પરીક્ષણ હાથ ધર્યું હતું. સ્માર્ટ પ્રણાલી સબમરીન વિનાશક કામગીરી માટે હલકા વજનવાળી ટોર્પીડો સિસ્ટમ છે. સત્તાવાર નિવેદનમાં કહેવામાં આવ્યું છે કે એન્ટિ-સબમરીન ક્ષમતા સ્થાપિત કરવામાં આ પરીક્ષણ અને નિદર્શન ખૂબ જ મહત્વપૂર્ણ છે.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.