ભારત સરકાર કોરોના વાયરસનાં ચેપને રોકવા માટે સતત પગલા લઈ રહી છે. વિશ્વ આરોગ્ય સંગઠને પણ સરકારનાં આ પગલાઓની પ્રશંસા કરી છે. વર્લ્ડ હેલ્થ ઓર્ગેનાઇઝેશનનાં રિજનલ ડાયરેક્ટર ડૉ.પૂનમ ખેત્રપાલસિંહે જણાવ્યું હતું કે, ભારતમાં ચેપનાં કિસ્સા ઓછા છે, તેનુ કારણે ભારતે ખૂબ જ શરૂઆતનાં તબક્કે કોરોના ચેપને રોકવા માટે કડક પગલાં લીધાં તે છે. ભારતમાં 3 મે સુધી લોકડાઉનની ઘોષણા કરવામાં આવી છે, આવી સ્થિતિમાં ડૉ.પૂનમ કહે છે કે ભારતે પણ લોકડાઉન ધીરે ધીરે સમાપ્ત કરવું જોઈએ.

ડૉ.પૂનમે જણાવ્યું હતું કે, લોકડાઉન સમાપ્ત કરવા માટે, છ મહત્વનાં મુદ્દાઓ પર ધ્યાન આપવું જોઈએ, સંક્રમણનું નિયંત્રણ કરવું, ચેપગ્રસ્ત લોકોની યોગ્ય ઓળખ કરવી, ટેસ્ટ કરાવવા, લોકોને અલગ કરવા, ચેપગ્રસ્ત લોકોની સારવાર કરવી અને તેમના સંપર્કમાં આવેલા લોકોને શોધી તેમની સારવાર શરૂ કરવી. લોકોને સારવાર પણ આપવી જોઈએ. આ સાથે, ચેપ ફેલાવાનો દર ખૂબ ઓછો છે, રોકવા માટે મહત્વપૂર્ણ પગલા લેવામાં આવ્યા છે. આ બધી બાબતોને ધ્યાનમાં રાખીને, લોકડાઉન ધીમે ધીમે દૂર થવું જોઈએ.

ભારતનાં પ્રયત્નો વિશે વાત કરતાં ડૉ.પૂનમે કહ્યું કે અન્ય દેશોની તુલનામાં ભારતમાં હજી સુધી ચેપગ્રસ્ત લોકોની સંખ્યા ખૂબ ઓછી છે, આ મુખ્ય કારણ છે કે ભારતે પ્રારંભિક તબક્કામાં વધુ સારા પગલાં લીધાં છે. ટોચનું નેતૃત્વ સમગ્ર સરકાર ચલાવી રહ્યું છે અને આ રોગચાળો દરમિયાન સમગ્ર સમાજ એક જ રીતે વર્તે છે. ભારતમાં જે રીતે ચેપનાં કેસો વધી રહ્યા છે, ત્યારે સવાલ ઉભો થાય છે કે ભારતમાં કોમ્યુનિટી ટ્રાંસફર શરૂ થઇ ગયુ છે, જેનો પણ ડૉ.પૂનમે જવાબ આપ્યો.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.