વડોદરાઃ રાજ્યમાં દારૂબંધી હોવા છતા બેફામ પોલીસની રહેમ નજર હેઠળ વેચાય રહ્યો છે. ત્યારે વડોદરામાં સોમવારે નકલી દારૂ બનાવતી ફેક્ટરી ઝડપાઇ હતી.
ઘટનાની જાણવા મળતી માહિતી મુજબ વડોદરાના માંજલપુર વિસ્તારની કલ્યાણભાગ સોસા.માં પોલીસે દરોડો પાડીને બ્રાન્ડેડ કંપનીનો વિદેશી દારૂ બનાવીને વેચવામાં આવતો હતો. દારૂ બનાવતા રાહુલ પેટેલ નામના શખ્સની ધરપકડ કરી હતી. પોલીસે કાર સાથે 1.80 લાખનો મુદ્દામાલ જપ્ત કર્યો હતો.
અહીં ડુપ્લિકેટ કિંગ વ્હિસ્કી અને રોયલ સ્ટ્રેગ ક્લાસિક વ્હિસ્કી બનાવવામાં આવતી હતી. પોલીસે ડુપ્લિકેટ દારુની ફેક્ટરીમાંથી વિદેશી દારૂ ભરેલી તેમજ ખાલી બોટલો, સ્પિરીટ, દેશી દારુ, માલની ડીલીવરી માટે ઉપયોગમાં લેવાતી એક કાર સહિત રૂપિયા 1.87 લાખનો મુદ્દામાલ કબજે કર્યો છે.
