સુરતમાં ધોળા દિવસે એસબીઆઈના એટીએમમાં 24 લાખની ચોરી કર્યા બાદ આરોપી ફરાર થઈ ગયો હતો. અડાજણ-હજીરા રોડ પર આવેલ ટાઈટેનિયમ સ્ક્વેર બિલ્ડિંગના ગ્રાઉન્ડ ફ્લોર પર સ્થિત એસબીઆઇ બેંકના એટીએમ મશીનમાં આ ચોરી થઈ હતી. આ અંગે બેંક મેનેજરે અડાજણ પોલીસ સ્ટેશનમાં ફરિયાદ નોંધાવી છે.
સુરતમાં કોરોના લોકડાઉન બાદ શહેરમાં લૂંટ, ચોરી અને હત્યાના કેસ સતત વધી રહ્યા છે. આ ઘટના છે સુરતના અડાજણના મેઈન રોડ પર આવેલા એસબીઆઈ બેંકના એટીએમની. બેંકના મેનેજર રણજીત ગોપાલભાઇ વાસવાએ પોલીસને જણાવ્યું હતું કે 23 જુલાઇના રોજ બપોરના 2.38 વાગ્યે છત્ર અને રેઇનકોટ પહેરેલો એક યુવક એટીએમમાં ઘૂસી ગયો હતો અને તેમાં રાખેલા 28 લાખ રૂપિયામાંથી 24 લાખ રૂપિયા લઇ ફરાર થઈ ગયો હતો.
25 ઓગસ્ટે એટીએમમાંથી માહિતી ચોરી થઈ હતી. પોલીસે જણાવ્યું કે સીસીટીવી ફૂટેજ ચેક કરવામાં આવી રહ્યા છે. તેમાં એક યુવક નજરે પડે છે. હાલમાં એટીએમની આજુબાજુના સીસીટીવી ફૂટેજ ચેક કરવામાં આવી રહ્યા છે. જો કે હજી સુધી આરોપી વિશે કોઈ માહિતી મળી શકી નથી. હાલ આ મામલાની તપાસ કરવામાં આવી રહી છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન
