ઈરાન એ કુદરતી રીતે સુંદર દેશ છે જે પર્વતો અને ડુંગરાઓ પર ફેલાયેલો છે. તેની વસ્તીનો મોટો ભાગ મેદાનોમાં રહે છે, પરંતુ તેની કેટલીક વસ્તી ગુફાઓમાં પણ રહે છે. ચાલો આજે તમને ઈરાનમાં આવેલા ગુફાઓવાળા ગામમાં લઈ જઈએ.
મેમંડ એ ઇરાનમાં જૂની વસાહતોનું ગામ છે. તે ઈરાનની રાજધાની તેહરાનથી લગભગ 900 કિમી દૂર આવેલું છે. આ ગામની વસ્તી વિચરતી છે. અહીંના રહેવાસીઓ પર્વતની ગુફાઓમાં રહે છે.
આ ગુફાઓ કાપેલા, નરમ પથ્થરોથી કોતરવામાં આવી છે. આ ગુફાઓમાં જે પ્રકારનું કોતરકામ કરવામાં આવ્યું છે તે જોઈને એમ કહી શકાય કે આ ગુફાઓ લગભગ દસ હજાર વર્ષ જૂની છે.
યુનેસ્કોએ આ ક્ષેત્રને વિશ્વ ધરોહર જાહેર કર્યો છે. એવું કહેવામાં આવે છે કે મેમંદની ગુફાઓ લગભગ બે હજાર વર્ષથી વસવાટ કરે છે. મધ્ય ઈરાનના મોટાભાગના પર્વતો સૂકા છે. એટલા માટે ઉનાળો અને શિયાળો બંને અહીં જબરદસ્ત હોય છે.
હવામાન પ્રમાણે અહીંના લોકો આ ગુફાઓમાં જઇને રહે છે. ગરમ ઉનાળા અને પાનખરની ઋતુમાં, લોકો ઝાડપાન ના તેંત બનાવી રહે છે. જે તેમને સળગતા સૂર્યમાં છાંયો આપે છે, જ્યારે શિયાળા દરમિયાન, તેઓ આ ગુફાઓ પર જાય છે અને આખા શિયાળા માટે અહીં રહે છે.
નિષ્ણાંતો કહે છે કે આશરે દસ હજાર વર્ષ પહેલાં, 400 ગુફાઓ પર્વતો કાપીને બનાવવામાં આવી હતી. જેમાંથી ફક્ત 90 જ બાકી છે. ગુફાઓમાં બનેલા આ ઘરોમાં લગભગ સાત ઓરડાઓ છે. તેમની લંબાઈ બે મીટર અને પહોળાઈ 20 ચોરસ મીટર છે. જો કે, ઘરનું આ માપ ગુફાના કદ પર આધારિત છે. ક્યાંક ઓરડાઓ ઓછી પહોળા અને ઉંચાઈ પણ ઓછી હોઈ શકે છે. શક્ય છે કે ગુફાઓનું નામ સાંભળ્યા પછી, તમારા મનમાં લાગ્યું કે આ મકાનો ભૂતકાળ જેવા હશે, તેવું નથી. અહીંના લોકોએ આ ગુફાઓ સંપૂર્ણપણે બદલી નાખી છે. તમને આજે અહીં દરેક સુવિધા મળશે.
જેવું જેનું જીવન ધોરણ તે મુજબ સામાન રાખે છે. આ ગુફાઓમાં વીજ પુરવઠો છે. આને કારણે ફ્રિજ, ટીવી વગેરેનો ઘણો ઉપયોગ થાય છે. લોકોને પાણી માટે પણ તકલીફ નથી, કારણ કે અહીં પીવાનું પાણી પુષ્કળ પ્રમાણમાં મળે છે. જો કે, આ ઘરોમાંથી હવા બિલકુલ પસાર થતી નથી. રસોઈમાં ઘર કાળાશ ના થાય તે માટે આ લોકો રસોડામાં કાળી ફિલ્મ લગાવે છે. જેથી ધુમાડાથી થતી કાળાશ સરળતાથી સાફ કરી શકાય. આને કારણે, ઓરડો પણ ખૂબ ગરમ નથી થતો. મેમંડ ગામના લોકો મોટાભાગે પારસી ધર્મના આસ્થાવાન છે.
ઇરાનમાં ઝૂરોસ્ટ્રિયનિઝમ એ સૌથી પ્રાચીન ધર્મ છે. એક સમયે પારસીઓની મોટી વસ્તી હતી. તેના કેટલાક નિશાન આજે પણ જોવા મળે છે. કિચન ડોબંડી એવી જ એક ગુફા છે, જે કહેવામાં આવે છે કે પ્રાચીન સમયમાં તે જ ઝુરોસ્ટ્રિઅન્સનું મંદિર હતું, પરંતુ 7 મી સદીમાં ઇસ્લામના ફેલાવા પછી, આવી ઘણી ગુફાઓ મસ્જિદોમાં ફેરવાઈ ગઈ છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
