જાપાનમાં લગભગ 300 વર્ષ પહેલા મળેલા જલપરી જેવા હાડપિંજરનું સત્ય સામે આવ્યું છે. લાંબા સંશોધન પછી, વૈજ્ઞાનિકોએ આ 12 ઇંચના હાડપિંજર વિશે ખુલાસો કર્યો, જેના વિશે એવું કહેવામાં આવી રહ્યું હતું કે જે પણ આ જલપરી જેવા હાડપિંજરનું માંસ ખાશે તે અમર બની જશે. અહેવાલો અનુસાર, 1736 અને 1741 ની વચ્ચે, આ રહસ્યમય પ્રાણી જાપાની ટાપુ શિકોકુ પાસે પ્રશાંત મહાસાગરમાં જોવા મળ્યું હતું, જેને શક્તિશાળી માનવામાં આવતું હતું અને તેને અસાકુચીના એક મંદિરમાં રાખવામાં આવ્યું હતું.
ઉપરથી માણસ અને નીચેથી જલપરી જેવો દેખાતો હોવાથી આ પ્રાણી વધુ રહસ્યમય બની ગયું હતું. જાપાનના અસાકુચી મંદિરમાં, લોકોએ તેની પૂજા કરવાનું શરૂ કર્યું હતું અને કોવિડ સમયગાળા દરમિયાન, તેઓએ આ રહસ્યમય પ્રાણીની સામે કોરોના વાયરસ રોગના અંત માટે અરજી કરવાનું શરૂ કર્યું હતું. ગયા વર્ષે કુરાશિકી યુનિવર્સિટીના સંશોધકોએ આ મમીને તપાસ માટે બહાર કાઢી હતી અને પછી તેના પર સીટી સ્કેન કરીને તમામ માહિતી એકત્રિત કરવાનું શરૂ કર્યું હતું.
તપાસમાં જે બાબતો સામે આવી તેનાથી વૈજ્ઞાનિકો ચોંકી ગયા. મમીનો નીચેનો ભાગ માછલીનો હતો, પરંતુ ઉપરનો ભાગ જે માનવ જેવો દેખાતો હતો તે નકલી હતો. વધુમાં જાણવા મળ્યું હતું કે તેના ઉપરના ભાગમાં એવી કોઈ વસ્તુ ન હતી, જેથી જાણી શકાય કે તે કોઈ જીવંત વસ્તુ છે. ન તો તેમાં હાડકાં કે તેના ભાગો હતા. મમીનો ઉપરનો ભાગ કપાસ, કાપડ અને કાગળનો બનેલો હતો. સંશોધકોએ દાવો કર્યો હતો કે તેને બનાવનાર વ્યક્તિએ તળિયે વાસ્તવિક માછલીનો ભાગ ઉમેર્યો હોવો જોઈએ. તે જ સમયે, તેના મોંમાં મળેલા દાંત અને જડબા પણ વાસ્તવિક માછલીના હતા.
વૈજ્ઞાનિકોએ કાર્બન ડેટિંગ દ્વારા જણાવ્યું કે આ રહસ્યમય વસ્તુ 1800ની આસપાસની છે. અહીંની લોકપ્રિય દંતકથાને કારણે લોકોએ તેને વાસ્તવિક તરીકે સ્વીકારી લીધી હતી. હકીકતમાં, જાપાનમાં એક દંતકથા છે કે એકવાર એક જાપાની મહિલાએ કપટથી જલપરીનું માંસ ખાધું હતું, જેના કારણે તે 800 વર્ષ સુધી જીવતી રહી. આ કારણોસર, આ રહસ્યમય પ્રાણી વિશે એક અફવા પણ ઉડી હતી કે જે તેનું માંસ ખાય છે તે પણ અમર થઈ જશે.
આ પણ વાંચો:રસ્તા પર મળેલી નોટ ખિસ્સામાં મૂકવા પર થઈ શકે છે સજા, જાણો શું છે આનો કાયદો
આ પણ વાંચો:32 વર્ષની મહિલા થઈ ગઈ 17 ની, હવે શોધી રહી છે બોયફ્રેન્ડ, રહસ્ય જાણવા જુઓ Video
આ પણ વાંચો:આ છે ડાયનાસોર કરતા પણ જૂનો જીવ, તેના એક લીટર લોહીની કિંમત છે 11 લાખ રૂપિયા
