Bottle Science: જ્યારે પણ આપણે બહાર હોઈએ છીએ ત્યારે તરસ છીપાવવા માટે બજારમાંથી પાણીની બોટલ ખરીદીએ છીએ. જો તમે ક્યારેય ધ્યાન આપ્યું હોય, તો પ્લાસ્ટિકની આ બોટલોની સપાટી ક્યારેય એકદમ સપાટ (Flat) હોતી નથી. દરેક બોટલ પર અલગ-અલગ પ્રકારની ઝિગઝેગ રેખાઓ કે આડી-ઊભી લાઈનો જોવા મળે છે. ઘણા લોકો તેને માત્ર એક આકર્ષક ડિઝાઇન માને છે, પરંતુ વાસ્તવમાં આ રેખાઓ પાછળ એન્જિનિયરિંગ અને સુરક્ષાનું મોટું વિજ્ઞાન છુપાયેલું છે. પાણીની બોટલ પર રહેલી આ રેખાઓ પાછળના 4 મુખ્ય કારણો.
Bottle ને મજબૂતી આપવા માટે
પાણીની બોટલો સામાન્ય રીતે ‘પેટ’ (PET – Polyethylene Terephthalate) નામના ખૂબ જ પાતળા અને નરમ પ્લાસ્ટિકમાંથી બનાવવામાં આવે છે. જો આ બોટલ એકદમ સપાટ બનાવવામાં આવે, તો પાણી ભરતા જ તે નમી જશે અથવા દબાઈ જશે. બોટલ પર આપેલી આ રેખાઓ પ્લાસ્ટિકને ‘રિજિડિટી’ (મજબૂતી) આપે છે. આ રેખાઓ બોટલને આંતરિક દબાણ અને બહારના પ્રેશર સામે ટકી રહેવામાં મદદ કરે છે, જેથી તે સરળતાથી ફાટી ન જાય કે વળી ન જાય.
પકડ મજબૂત બનાવવા માટે
પ્લાસ્ટિકની બોટલ (Bottle) જો એકદમ સ્મૂથ હોય, તો તે હાથમાંથી લપસી જવાની શક્યતા વધી જાય છે. ખાસ કરીને જ્યારે પાણી ઠંડુ હોય ત્યારે બોટલની બહારના ભાગમાં ભેજ જામી જાય છે, જેનાથી તે વધુ લપસણી બને છે. આ ઝિગઝેગ રેખાઓ તમારા હાથ અને બોટલ વચ્ચે ઘર્ષણ (Friction) પેદા કરે છે. આનાથી તમે બોટલને મજબૂતીથી પકડી શકો છો અને પાણી પીતી વખતે તે હાથમાંથી સરકી જતી નથી.
લોજિસ્ટિક્સ અને પરિવહન માટે
જ્યારે આ બોટલો (Bottle) ફેક્ટરીમાંથી ટ્રકોમાં ભરીને એક જગ્યાએથી બીજી જગ્યાએ મોકલવામાં આવે છે, ત્યારે તેમને એકબીજાની ઉપર ગોઠવવામાં આવે છે. આ રેખાઓ બોટલના માળખાને ટેકો આપે છે. જો રેખાઓ ન હોય તો, ઉપરની બોટલના વજનથી નીચેની બોટલ ચપટી થઈ શકે છે. આ ડિઝાઇનને કારણે હજારો બોટલો એકસાથે સુરક્ષિત રીતે ટ્રાન્સપોર્ટ કરી શકાય છે.
બ્રાન્ડિંગ અને ઓળખ
વિજ્ઞાન ઉપરાંત, આ રેખાઓ માર્કેટિંગમાં પણ મદદ કરે છે. દરેક કંપની પોતાની બોટલ (Bottle) પર અલગ પેટર્નની રેખાઓ રાખે છે. આનાથી ગ્રાહક દૂરથી જ જોઈને ઓળખી શકે છે કે આ કઈ કંપનીની બોટલ છે. આ રેખાઓ બોટલને પ્રીમિયમ લુક પણ આપે છે, જેનાથી ગ્રાહકો તેને ખરીદવા તરફ પ્રેરાય છે.
આ પણ વાંચો: રોજ લિપસ્ટિક લગાવતા હોવ તો સાવધાન! હોઠ કાળા ન પડે તે માટે આ 5 વાતોનું રાખો ધ્યાન
આ પણ વાંચો :મોંઘા ક્રીમની જરૂર નથી! ઘરે જ બનાવો આ કુદરતી ટોનર્સ અને મેળવો કાચ જેવી ચમકતી ત્વચા
આ પણ વાંચો: એસિડિટી થાય ત્યારે ભૂલથી પણ ન ખાવો આ ફળો, ફાયદાની જગ્યાએ થઈ શકે છે મોટું નુકસાન!
