TN CM Vijay Oath Ceremony:દક્ષિણ ભારતના લોકપ્રિય અભિનેતા અને TVK (તમિલગા વેટ્રી કઝગમ)ના ચીફ વિજયે (Thalapathy Vijay ) આજે તમિલનાડુના મુખ્યમંત્રી તરીકે શપથ લઈને રાજકારણમાં નવો ઇતિહાસ રચ્યો છે. રાજ્યપાલ દ્વારા તેમને પદ અને ગોપનીયતાની શપથ અપાવવામાં આવી હતી.

શપથવિધિ સમારોહ દરમિયાન રાજકીય અને ફિલ્મ જગતની અનેક જાણીતી હસ્તીઓ હાજર રહી હતી. આ ખાસ પ્રસંગે કોંગ્રેસ નેતા રાહુલ ગાંધી પણ ઉપસ્થિત રહ્યા હતા. વિજયના સમર્થકોમાં ભારે ઉત્સાહ જોવા મળ્યો હતો અને સમગ્ર તમિલનાડુમાં ઉજવણીનો માહોલ સર્જાયો હતો.

ફિલ્મી દુનિયાથી રાજકારણ સુધીનો Thalapathy Vijayનો સફર

‘થલાપતિ’ તરીકે જાણીતા વિજયે (Thalapathy Vijay) ફિલ્મ જગતમાં અદભૂત લોકપ્રિયતા મેળવી હતી. ત્યારબાદ તેમણે રાજકારણમાં પ્રવેશ કરીને TVK પાર્ટીની સ્થાપના કરી હતી. યુવાનો અને સામાન્ય જનતામાં તેમની લોકપ્રિયતાએ પાર્ટીને ઝડપથી મજબૂત બનાવી હતી.તાજેતરની ચૂંટણીમાં TVKએ શાનદાર પ્રદર્શન કરતાં બહુમતી મેળવી અને હવે વિજયે રાજ્યના મુખ્યમંત્રી તરીકે સત્તા સંભાળી છે.

#WATCH | Chennai: Tamilaga Vettri Kazhagam (TVK) Chief C Joseph Vijay takes oath as the Chief Minister of Tamil Nadu. pic.twitter.com/8yGuYEAkfj

— ANI (@ANI) May 10, 2026

મંચ પર TVKના દિગ્ગજો

શપથવિધિ દરમિયાન TVKના ટોચના નેતાઓ મંચ પર હાજર રહ્યા હતા. વિજય બાદ પાર્ટીના અન્ય ધારાસભ્યો અને નેતાઓએ પણ મંત્રીપદની શપથ લીધી હતી. રાજકીય વિશ્લેષકો માને છે કે વિજયની એન્ટ્રી તમિલનાડુની રાજનીતિમાં મોટા ફેરફારો લાવી શકે છે.

સમર્થકોમાં ઉત્સાહનો માહોલ

વિજયના ચાહકો અને TVK કાર્યકરો રાજ્યભરમાં ઉજવણી કરતા જોવા મળ્યા હતા. અનેક સ્થળોએ ફટાકડા ફોડવામાં આવ્યા અને મીઠાઈ વહેંચાઈ હતી. સોશિયલ મીડિયા પર પણ #ThalapathyVijay અને #TVKGovernment ટ્રેન્ડ થતા જોવા મળ્યા.

હવે લોકોની અપેક્ષા શું?

મુખ્યમંત્રી તરીકે વિજય સામે રોજગાર, વિકાસ, શિક્ષણ અને યુવાનોને નવી તક આપવાના મોટા પડકારો રહેશે. હવે જોવાનું રહેશે કે ફિલ્મી દુનિયાના સુપરસ્ટાર રાજકારણમાં કેટલી સફળતા મેળવે છે.

આ પણ વાંચો:તમિલનાડુમાં વિજયનો રાજ્યાભિષેક નક્કી! VCK ના સમર્થન સાથે જાદુઈ આંકડો પાર

આ પણ વાંચો:તમિલનાડુમાં નવી સરકાર પર સસ્પેન્સ! VCKએ વિજયની TVK સામે મૂકી મોટી શરત

આ પણ વાંચો:બહુમતીથી 10 ડગલાં દૂર થલપતિ વિજય! શપથ ગ્રહણ રદ થતા વિજયના ફેન્સમાં ભારે આક્રોશ