Iran US Conflict: મધ્ય પૂર્વમાં અમેરિકા અને ઈરાન વચ્ચે વધતા તણાવ વચ્ચે અમેરિકાના રાષ્ટ્રપ્રમુખ ડોનાલ્ડ ટ્રમ્પે ફરી એકવાર ઈરાનને (Trump Iran Warning) કડક ચેતવણી આપી છે. ટ્રમ્પે જણાવ્યું કે જો હોર્મુઝ જળમાર્ગમાંથી પસાર થતા વેપારી અથવા અન્ય જહાજો પર ઈરાન (Donald Trump Iran) તરફથી કોઈપણ પ્રકારનો હુમલો કરવામાં આવશે, તો અમેરિકા તેના જવાબમાં ઈરાનના મહત્વના ઈન્ફ્રાસ્ટ્રક્ચરને નિશાન બનાવશે.
Trump Iran Warning: હોર્મુઝમાં હુમલો થશે તો અમેરિકા આપશે જવાબ
ટ્રમ્પે સોશિયલ મીડિયા પર કરેલી પોસ્ટમાં કહ્યું કે જો ઈરાન હોર્મુઝ જળમાર્ગમાં કોઈ જહાજ પર મિસાઈલ, ડ્રોન, રોકેટ અથવા અન્ય હથિયારથી હુમલો કરશે, તો અમેરિકા ઈરાનના મહત્વના ઈન્ફ્રાસ્ટ્રક્ચર સામે સૈન્ય કાર્યવાહી કરશે. તેમણે પાવર પ્લાન્ટ, પુલ અને અન્ય વ્યૂહાત્મક સ્થળોનો ઉલ્લેખ કરીને કડક સંદેશ આપ્યો.
અમેરિકી સૈન્ય અભિયાન યથાવત
ટ્રમ્પના નિવેદન વચ્ચે અમેરિકી સેનાએ ઈરાન (Iran US Conflict) સામે પોતાની સૈન્ય કાર્યવાહી(Trump Iran Warning) ચાલુ રાખી છે. યુએસ સેન્ટ્રલ કમાન્ડના જણાવ્યા મુજબ તાજેતરમાં લગભગ 75 મિનિટ સુધી ચાલેલા હુમલામાં ઈરાનના ઓપરેશન સેન્ટર, ડ્રોન સ્ટોરેજ અને લોજિસ્ટિક્સ સંબંધિત લક્ષ્યોને નિશાન બનાવવામાં આવ્યા હતા.
વેપારી જહાજો પર હુમલાના આરોપ
અમેરિકાનો દાવો છે કે છેલ્લા કેટલાક મહિનામાં હોર્મુઝ જળમાર્ગમાંથી પસાર થતા 30થી વધુ વેપારી જહાજો પર હુમલાના બનાવો નોંધાયા છે, જેના માટે ઈરાનને જવાબદાર ગણાવવામાં આવ્યું છે. અમેરિકાનું કહેવું છે કે આ કાર્યવાહીનો હેતુ સમુદ્રી વેપાર માર્ગોની સુરક્ષા સુનિશ્ચિત કરવાનો છે.
મધ્ય પૂર્વમાં વધ્યો તણાવ
અમેરિકા અને ઈરાન વચ્ચેનો તણાવ છેલ્લા કેટલાક મહિનાથી સતત વધી રહ્યો છે. બંને પક્ષો વચ્ચે સૈન્ય કાર્યવાહી અને જવાબી હુમલાઓના કારણે સમગ્ર મધ્ય પૂર્વમાં સુરક્ષા સ્થિતિ ગંભીર બની છે. આ સંઘર્ષની અસર વૈશ્વિક વેપાર, ઊર્જા પુરવઠા અને આંતરરાષ્ટ્રીય રાજનીતિ પર પણ પડી રહી છે.
આંતરરાષ્ટ્રીય ચિંતા વધી
હોર્મુઝ જળમાર્ગ વિશ્વના સૌથી મહત્વપૂર્ણ તેલ પરિવહન માર્ગોમાંનો એક માનવામાં આવે છે. અહીં કોઈપણ પ્રકારનો સૈન્ય સંઘર્ષ વૈશ્વિક કાચા તેલના પુરવઠા અને આંતરરાષ્ટ્રીય વેપારને અસર કરી શકે છે. તેથી વિશ્વના અનેક દેશો હાલની પરિસ્થિતિ પર નજીકથી નજર રાખી રહ્યા છે.
આ પણ વાંચો: ભારતની પૂર્વીય સરહદ પર ચીનની નવી ચાલ: મ્યાનમાર-બાંગ્લાદેશ કોરિડોરથી બંગાળની ખાડીમાં વધારશે દબદબો.
આ પણ વાંચો: પાકિસ્તાનને ભારતનો સ્પષ્ટ સંદેશ: આતંકવાદ બંધ નહીં થાય ત્યાં સુધી સિંધુ જળ સંધિ ફરી લાગુ નહીં થાય
