New Delhi: NEET-UG પેપર લીક અને પરીક્ષા ગેરરીતિઓનો વિવાદ હવે દેશના રાજકારણમાં મોટો મુદ્દો બની ગયો છે. વિદ્યાર્થીઓના આંદોલન, વિપક્ષના વિરોધ અને સતત વધી રહેલા દબાણ વચ્ચે કેન્દ્રીય શિક્ષણ મંત્રી ધર્મેન્દ્ર પ્રધાન (Dharmendra Pradhan)નું નામ ચર્ચાના કેન્દ્રમાં આવ્યું છે. રસપ્રદ વાત એ છે કે જે પેપરલીકના મુદ્દે આજે ધર્મેન્દ્ર પ્રધાનને જવાબદાર ઠેરવીને વિરોધ થઈ રહ્યો છે, એ જ મુદ્દે તેઓ લગભગ ત્રણ દાયકા પહેલા પોતે રસ્તા પર ઉતરીને પ્રદર્શન કરી ચૂક્યા છે.
1997માં પેપરલીક સામે Dharmendra Pradhanનું પ્રદર્શન
વર્ષ 1997માં ઓડિશામાં કોંગ્રેસ (Congress)ની સરકાર હતી અને જાનકી વલ્લભ પટનાયક રાજ્યના મુખ્યમંત્રી હતા. તે સમયે ભુવનેશ્વરમાં પેપરલીકના વિરોધમાં વિદ્યાર્થીઓનું મોટું આંદોલન થયું હતું.રાજ્ય સચિવાલય નજીક યોજાયેલા આ વિરોધ પ્રદર્શનમાં લગભગ 1500 જેટલા વિદ્યાર્થીઓ જોડાયા હતા. આ પ્રદર્શનમાં હાલના શિક્ષણ મંત્રી રહી ચૂકેલા ધર્મેન્દ્ર પ્રધાન (Dharmendra Pradhan) પણ સામેલ હતા.મીડિયા અહેવાલો મુજબ, તે સમયે ધર્મેન્દ્ર પ્રધાન રાષ્ટ્રીય સ્વયંસેવક સંઘ સાથે જોડાયેલા વિદ્યાર્થી સંગઠન અખિલ ભારતીય વિદ્યાર્થી પરિષદ (ABVP)ના નેતા તરીકે ઓડિશા સરકાર સામેના આંદોલનમાં સક્રિય હતા.
પ્રદર્શન દરમિયાન હુમલો અને ઈજાનો દાવો
1997ના આંદોલનને યાદ કરતા તેમના જૂનિયર પ્રશાંત રાઉતે મીડિયા સાથેની વાતચીતમાં જણાવ્યું હતું કે વિરોધ પ્રદર્શન શરૂઆતમાં શાંતિપૂર્ણ હતું, પરંતુ બાદમાં સ્થિતિ તંગ બની હતી.તેમના જણાવ્યા મુજબ, તે સમયે ધર્મેન્દ્ર પ્રધાન (Dharmendra Pradhan) સાથે મારપીટ થઈ હતી અને તેમને ફ્રેક્ચર પણ થયું હતું. કેમ્પસ રાજકારણમાં હિંસા વચ્ચે આ હુમલો થયો હોવાનો દાવો કરવામાં આવ્યો હતો.
NEET વિવાદ કેવી રીતે બન્યો મોટો મુદ્દો?
NEET-UG પરીક્ષામાં પેપર લીક અને ગેરરીતિના આરોપો બાદ વિદ્યાર્થીઓમાં ભારે રોષ ફેલાયો હતો. હજારો વિદ્યાર્થીઓ અને યુવા સંગઠનો દ્વારા દિલ્હીના જંતર-મંતર સહિત દેશના વિવિધ સ્થળોએ વિરોધ પ્રદર્શન કરવામાં આવ્યા હતા.વિરોધીઓની મુખ્ય માંગ હતી કે શિક્ષણ મંત્રી ધર્મેન્દ્ર પ્રધાન નૈતિક જવાબદારી સ્વીકારીને રાજીનામું આપે.આંદોલન દરમિયાન કેટલાક વિદ્યાર્થી સંગઠનો અને કાર્યકરો દ્વારા સરકાર પર દબાણ વધારવામાં આવ્યું હતું. વિરોધ પ્રદર્શનો, સંસદમાં હોબાળો અને રાજકીય ટકરાવ વચ્ચે આખરે ધર્મેન્દ્ર પ્રધાન (Dharmendra Pradhan)ના રાજીનામાની ચર્ચા તેજ બની હતી.
NEET વિવાદની મુખ્ય ઘટનાઓ: સંપૂર્ણ ટાઈમલાઈન
3 મે: દેશભરમાં NEET-UG પરીક્ષા યોજાઈ, જેમાં લાખો વિદ્યાર્થીઓ સામેલ થયા.
12 મે: પેપર લીકના આરોપો બાદ પરીક્ષા પ્રક્રિયા સામે સવાલો ઉઠ્યા અને તપાસની માંગ તેજ બની.
મે મહિનો: સોશિયલ મીડિયા અને વિદ્યાર્થી સંગઠનો દ્વારા વિરોધ શરૂ થયો.
6 જૂન: દિલ્હીના જંતર-મંતર પર શિક્ષણ મંત્રી વિરુદ્ધ વિરોધ પ્રદર્શન યોજાયું.
20 જૂન: ફરી એકવાર મોટા પ્રમાણમાં વિરોધ પ્રદર્શન કરવામાં આવ્યું.
28 જૂન: સામાજિક કાર્યકર્તા સોનમ વાંગચુકે વિદ્યાર્થીઓના સમર્થનમાં આંદોલન શરૂ કર્યું.
જુલાઈ: સંસદના ચોમાસુ સત્ર દરમિયાન NEET વિવાદ મુદ્દે વિપક્ષે સરકારને ઘેરી.
23 જુલાઈ: કેન્દ્ર સરકારે પેપર લીક કેસોમાં ઝડપી કાર્યવાહી માટે ફાસ્ટ-ટ્રેક કોર્ટ બનાવવાની જાહેરાત કરી.
24 જુલાઈ: NTA દ્વારા કેટલાક અધિકારીઓ સામે કાર્યવાહી કરવામાં આવી અને તપાસ આગળ વધારવામાં આવી.
1997થી 2026 સુધી ધર્મેન્દ્ર પ્રધાનની સફર
એક સમયે પેપરલીક સામે વિદ્યાર્થીઓ સાથે રસ્તા પર ઉતરેલા ધર્મેન્દ્ર પ્રધાન (Dharmendra Pradhan) લાંબી રાજકીય સફર બાદ દેશના શિક્ષણ મંત્રી બન્યા હતા.પરંતુ NEET-UG વિવાદે ફરી એકવાર પેપરલીકના મુદ્દાને રાષ્ટ્રીય ચર્ચામાં લાવી દીધો અને આ વખતે તેઓ પોતે જ વિરોધના કેન્દ્રમાં આવી ગયા.
આ પણ વાંચો:જંતર-મંતર વિરોધ વચ્ચે શિક્ષણ પ્રધાન ધર્મેન્દ્ર પ્રધાને આપ્યું રાજીનામું
આ પણ વાંચો:ધર્મેન્દ્ર પ્રધાનના રાજીનામા બાદ અભિજીત દીપકની પ્રથમ પ્રતિક્રિયા: “સરકારે આખરે હાર માની”
