Entertainment: બોલિવૂડ અભિનેતા શાહરુખ ખાન (Shah Rukh Khan)ના પુત્ર આર્યન ખાન (Aryan Khan) ફરી એકવાર ચર્ચામાં છે. લંડનમાં પરિવાર સાથે વેકેશન માણી રહેલા આર્યન ખાનનો એક વીડિયો સોશિયલ મીડિયા પર વાયરલ થયો છે, જેમાં તેઓ એક યુવતી સાથે કેસિનોની બહાર જોવા મળે છે. વીડિયો સામે આવ્યા બાદ સોશિયલ મીડિયા પર બંનેના સંબંધોને લઈને વિવિધ અટકળો શરૂ થઈ ગઈ છે. જોકે, અત્યાર સુધી આર્યન ખાન અથવા સંબંધિત યુવતી તરફથી આ અંગે કોઈ સત્તાવાર નિવેદન આપવામાં આવ્યું નથી.
Aryan Khan: લંડનના કેસિનો બહાર વાયરલ થયો વીડિયો
આર્યન ખાન લંડનમાં મોડી રાત્રે એક કેસિનોની બહાર એક યુવતી સાથે જોવા મળ્યા હતા. વાયરલ વીડિયોમાં તેઓ એક ચાહક સાથે ફોટો પડાવ્યા બાદ બહાર નીકળતા જોવા મળે છે. બંનેએ કાળા રંગના કપડાં પહેર્યા હતા અને પોતાની કારની રાહ જોતા નજરે પડ્યા હતા. આ વીડિયો સોશિયલ મીડિયા પર ઝડપથી વાયરલ થતાં લોકોમાં ચર્ચા શરૂ થઈ ગઈ કે શું આર્યન ખાન આ યુવતીને ડેટ કરી રહ્યા છે. જોકે, વીડિયો પરથી બંનેના સંબંધ અંગે કોઈ નિષ્કર્ષ પર પહોંચવું શક્ય નથી.
કોણ છે વિન્ની ટકાયર?
વાયરલ વીડિયો બાદ સોશિયલ મીડિયા યુઝર્સે યુવતીની ઓળખ વિન્ની ટકાયર (Vinnie Takayer) તરીકે કરી છે. તેઓ ડેનમાર્કની મ્યુઝિક આર્ટિસ્ટ છે અને તેમના ઇન્સ્ટાગ્રામ પર અંદાજે 11 હજાર ફોલોઅર્સ છે. વિન્ની પોતાના સોશિયલ મીડિયા (Social Media)પર સંગીત અને પ્રવાસ સાથે જોડાયેલી તસવીરો શેર કરે છે. તેમની પ્રોફાઇલમાં કોપનહેગન અને મુંબઈ બંને શહેરોનો ઉલ્લેખ છે. તેમણે મુંબઈમાં પણ અનેક મ્યુઝિકલ પરફોર્મન્સ આપ્યા છે.
ડેટિંગની અફવાઓ ફરી ચર્ચામાં
વિન્ની ટકાયરે પોતાની લંડન ટ્રિપની તસવીરો સોશિયલ મીડિયા પર શેર કરી છે, પરંતુ તેમાં આર્યન ખાન જોવા મળતા નથી. તેમ છતાં, સોશિયલ મીડિયા યુઝર્સે નોંધ્યું કે બંને ઇન્સ્ટાગ્રામ પર એકબીજાને ફોલો કરે છે અને કેટલાક કોમન મિત્રો પણ ધરાવે છે. આ કારણે બંને વચ્ચે મિત્રતા કે ડેટિંગ અંગે અટકળો શરૂ થઈ છે. જોકે, અત્યાર સુધી બંનેમાંથી કોઈએ પણ આ અહેવાલોની પુષ્ટિ કરી નથી.
આ પણ વાંચો:આર્યન ખાન ડ્રગ્સ કેસ પર ગૌરી ખાન તોડશે મૌન! SRKની પત્ની કરશે ચોંકાવનારા ખુલાસા?
આ પણ વાંચો:દુબઈમાં આર્યન ખાનની પાર્ટી, પાકિસ્તાની એક્ટ્રેસ સાથે જોવા મળ્યો
આ પણ વાંચો:ક્લીનચીટ બાદ આર્યન ખાન કોર્ટમાં પહોંચ્યો, પાસપોર્ટની માંગણી કરતી અરજી કરી
