Friendship Day 2026: મિત્રતા એ જીવનના સૌથી સુંદર અને પવિત્ર સંબંધોમાંનો એક છે, જે વિશ્વાસ, સપોર્ટ અને યાદગાર ક્ષણો પર ટકેલો છે. દર વર્ષે મિત્રતાના આ ખાસ બંધનને ઉજવવા માટે એક નિશ્ચિત દિવસ સમર્પિત કરવામાં આવે છે, જ્યાં લોકો એકબીજા સાથે યાદો તાજી કરે છે, હાર્દિક શુભેચ્છાઓ પાઠવે છે અને કૃતજ્ઞતા વ્યક્ત કરે છે. વર્ષ 2026માં ભારતમાં ફ્રેન્ડશિપ ડે 2 ઓગસ્ટ, રવિવારના રોજ મનાવવામાં આવી રહ્યો છે.

ભારતમાં Friendship Day ક્યારે અને કેમ મનાવાય છે?

વિશ્વભરમાં અલગ-અલગ દેશોમાં મિત્રતા દિવસ અલગ તારીખે ઉજવાય છે, જેને લઈને ઘણીવાર મૂંઝવણ ઊભી થાય છે:

યુનાઇટેડ નેશન્સ (UN) દ્વારા અધિકૃત રીતે 30 જુલાઈએ ‘આંતરરાષ્ટ્રીય મિત્રતા દિવસ’ (International Day of Friendship) મનાવવામાં આવે છે.

જોકે, ભારતમાં દાયકાઓ જૂની પરંપરા મુજબ ઓગસ્ટ મહિનાના પ્રથમ રવિવારે ફ્રેન્ડશિપ ડે ઉજવવાની શરૂઆત થઈ હતી, જે ગ્રીટિંગ કાર્ડ્સ અને પોપ્યુલર કલ્ચર દ્વારા લોકપ્રિય બની હતી.

ફ્રેન્ડશિપ ડેનો ઇતિહાસ શું છે?

1958માં પેરાગ્વાઈના ડૉ. રામોન આર્ટેમિયો બ્રાચોએ સૌપ્રથમવાર સમુદાયોમાં સદ્ભાવના અને મિત્રતાને પ્રોત્સાહન આપવા માટે આ દિવસની કલ્પના કરી હતી, જે પાછળથી ‘વર્લ્ડ ફ્રેન્ડશિપ ક્રુસેડ’ (Friendship Day) તરીકે વિકસી.

ત્યારબાદ 2011માં યુનાઇટેડ નેશન્સ જનરલ એસેમ્બલીએ લોકો, સંસ્કૃતિઓ અને રાષ્ટ્રો વચ્ચે શાંતિ અને પરસ્પર સમજણ વધારવા માટે 30 જુલાઈએ આંતરરાષ્ટ્રીય મિત્રતા દિવસની જાહેરાત કરી હતી.

આજના યુગમાં ડિજિટલ ઉજવણીના વિકલ્પો

જો તમે તમારા બેસ્ટી (Bestie) કે ખાસ મિત્રને રૂબરૂ મળી શકતા નથી, તો ડિજિટલ માધ્યમથી પણ આ દિવસને યાદગાર બનાવી શકો છો:

પ્લેટો (Plato): મિત્રો સાથે ઓનલાઇન લુડો, ચેસ, કેરમ કે પૂલ જેવી ગેમ્સ રમીને મસ્તી કરી શકો છો.

સ્નેપચેટ (Snapchat): ‘ફ્રેન્ડ સોલર સિસ્ટમ’ ફીચર દ્વારા તમારા ક્લોઝ ફ્રેન્ડ્સ સાથેનું કનેક્શન ચકાસી શકો છો.

લોકેટ વિજેટ (Locket Widget): મિત્રો દ્વારા મોકલેલા ફોટા સીધા તમારા ફોનની હોમ સ્ક્રીન પર જોઈ શકો છો.

કેનવા (Canva): તમારી જૂની યાદોને તાજી કરીને સુંદર ફોટો કોલાજ, સ્ક્રેપબુક કે ગ્રીટિંગ કાર્ડ્સ જાતે ડિઝાઈન કરી શકો છો.

મિત્રતા દિવસ(Friendship Day) માત્ર ભેટ-સોગાદો આપવાનો દિવસ નથી, પરંતુ જીવનના ઉતાર-ચઢાવમાં સાથ આપનાર મિત્રોની કદર કરવાનો અને સંબંધોને વધુ મજબૂત બનાવવાનો અવસર છે.

આ પણ વાંચો:આજે ‘નેશનલ સિનિયર હેલ્થ એન્ડ ફિટનેસ ડે’, જાણો વડીલો માટે આ વર્ષની ખાસ થીમ અને ઇતિહાસ

આ પણ વાંચો:આજે 24 મે …. ‘વિશ્વ શિઝોફ્રેનિયા દિવસ’: માનસિક સ્વાસ્થ્ય પ્રત્યે જાગૃતિ ફેલાવવાનો ખાસ દિવસ

આ પણ વાંચો: આજે છે 23 મે … વિશ્વ કાચબા દિવસ, જાણો આ વર્ષની થીમ અને જાણો ઇતિહાસ અને મહત્વ